1 SAMUEL 9:20 - AMÜSÜH HÜM CL Bible (BSI)

²⁰ Tüshe nü donkibo dükheakbah nimung mahsam thsükhi dünkheak mulong düsansan, tümüde arübo ngülodo. Tüshe shepü kheak Israelnü mulongkhitkhi yükihcho? Ha nü kheak tüsho nüsa jirüpürü yamkhün kheak ah yung de?”

1 SAMUEL 9:20 Iomraidhean Croise

1 KIUTHSÜYUKHEAN 29:3

Ju lang yung, ju kheak khiode amüsüh yam thsungkheak inü I Thrünpuh yam thsungkheak shuhmülanga jihmonü, I yo suna tüsho shotoyinchi rahpung jih:

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

KOLOSI 3:2

Alomi ching lakhi kukrukbo kheak yungde, akulim lakhi kukrukbo kheak nüsa lümkhibo zoang.

1 SAMUEL 10:16

Saulnü akü ki tha, “Donkibo ngüdo de apinü ike ki thakheah.” Tüshe Samuelnü kiulongthsürü thsüpü dünkheak thakhi apinü tümü mütha.

1 SAMUEL 12:13

Kheahang, shepü nüsanü amokhitkhea tüsho akeokhikhea, kiulongthsüpuh ha ching lah; kheahang, Atungpuhnü kiulongthsürü khülang nüsa kurungkheak zojihlah.

1 SAMUEL 12:15

tüshe nüsanü Atungpuh yu manide api yukhüm azhihsho, nüsa jipürü kheak azhihkhi nangde Atungpuh khahnü nüsa le nüsa kiulongthsüpuh azhihbah.

1 SAMUEL 4:20

Alibe ashepü thsüde alachoki, anihbe shorupü arükhi aliberünü tha, “Dütre, tümüde nünü athrürü khülang zübejihdo.” Tüshe anihbenü malo yungsho mani.

1 SAMUEL 8:19

Tüshe mihtsürübonü Samuel yu anipü reanglo; arünü tha, “Yung! tüshe isa kurungkheak kiulongthsürü khülang zopü isanü mulongkhitdo,

1 SAMUEL 8:5

tüsho api ki tha, “Nü ashinbuhrü ah tüsho nü tsührübonü nü ru müyan; jumonü mührü trük nangde isa kurungkheak yakzan shuhshihpü kiulongthsürü khülang mokhitjang.”

1 SAMUEL 9:19

Samuelnü Saul ki alo, “I angürü ah; I müngüh kingaün sadam lim wutuang; tümüde khihni nü I lung yimtsühbah, tüsho yapsu inü nü tsoshihbah tüsho nü lüm ching lakhi alala inü nü ki thabah.

1 SAMUEL 9:3

Kheakü Saul abuh Kish yo donkibo rümde tsoabah. Jumonü Kishnü atsührü Saul ki tha, “Nü lung azürü khülang beang; yüang tüsho donkibo kheahang.”