1 SAMUEL 9:2 - AMÜSÜH HÜM CL Bible (BSI)

² Api tsührü khülang amung Saul, trungdung atsü athrününgtsüng lakheah. Judüki Israel mihtsürü bolung api kheaknü trungdung atsü mülakheah; alala kheaknü api atoshangbe lakheah.

1 SAMUEL 9:2 Iomraidhean Croise

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

1 KIUTHSÜYUKHEAN 8:33

Ner tsührü Kish, Kish tsührü Saul, tüsho Saul tsührü Jonathan, Malkishua, Abinadab, tüsho Esh-baal;

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

WÜHKHE 13:33

Tüsho isanü ju ching Nephilimrü ngüdo (Nephilim chingnü arükhi Anak tsührübo); tüsho arü miki isabo sangyü-tangkhobo ruk lang kamdo.”

1 SAMUEL 10:21

Apinü Benjamin trük yamkhün phünide bebah arü tüsho Matri yamkhün mokhit; tüsho akheam ching Kish tsührü Saul mokhit. Tüshe küyimki arünü api yimkhea, api müngüde alakheah.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”

1 SAMUEL 17:4

Judüki Filistiarü binkheampung chingnü Gathrü Goliath de thsübah athrungrü khülang akhiuk, api leang ju kipying 9 kheak kip 1 lakheah.

1 SAMUEL 9:3

Kheakü Saul abuh Kish yo donkibo rümde tsoabah. Jumonü Kishnü atsührü Saul ki tha, “Nü lung azürü khülang beang; yüang tüsho donkibo kheahang.”