1 SAMUEL 7:9 - AMÜSÜH HÜM CL Bible (BSI)

⁹ Jumonü Samuelnü namfimihnunu lubah Atungpuh kilim abümnü taka kingaün; Samuelnü Israel thsungkheak Atungpuh ki zhi, tüsho Atungpuhnü api ki alojih.

1 SAMUEL 7:9 Iomraidhean Croise

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

LEVI 22:27

Küyimki moshipung yungsho namfimihnu yungsho mihnu adrebanü, abe lung nimung thüne labah; tüsho atizheah nipünü ründe Atungpuh kilim taka kingaünpü aleangkhikhukkhi thsübah.

YUZÜNGTHALO 9:26

Tüsho inü Atungpuh ki tamkhüntamnü, O Wuto Atungpuh , nü tokhinü rhokhitkhi, nü khah sühmüh atonü Ijip chingnü abekhitkhi, nü mihtsürü tüsho nü yamrüplurüp düdükheakshih.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

MAHKHAPRÜ 6:26

tüsho ha lungto mi kheak tsüde tsanglungbah Atungpuh nü Thrünpuh kilim kingaün sadam khülang thsüang, tüsho mahnepü moshipung lubah nünü sangthsü kiukheamkhi sangnü Atungpuh kilim laksah-a taka kingaünkhi jihang.”

MAHKHAPRÜ 6:28

Tüsho küyimki kiuto mihtsürübo yapsu mükikde asürükhea, Baal kingaün sadam lukkheama lakheah; tüsho ju ki sangthsü she kiukheama lakheah, tüsho thsüa lakhi kingaün sadam kheak mahnepü moshipung kingaüna lakheah.

1 SAMUEL 10:8

Tüsho nü I müngühnü Gilgal lim yükibah; jushu taka kingaünpü tüsho laksah-a mungtsü kingaünkhi jihpü I nü kilim akibah. I nü kilim arübah nünü arhimobebo muhuhyichoki nünü nimung thüne aleangang.”

1 SAMUEL 12:17

Khihni ha wheat hi yimluchoh yung de? Inü Atungpuh ki jibah, junangde apinü tsüngmuk tüsho tsüng arüshihbah; tüsho nüsanü Atungpuh miki kiulongthsürü kheangde amütsü rhimokhi tolah de nüsanü angübah.”

1 SAMUEL 16:2

Samuelnü tha, “Inü küde thsah ayüba? Ha Saulnü sosho, apinü I laksahbah.” Tüsho Atungpuhnü tha, “Nü lung moshi nunu khülang beang, tüsho thaang, ‘I Atungpuh ki laksah-a kingaünpü arükheah.’

1 SAMUEL 2:35

Inü I thsungkheak athülünkhi amükeamrü khülang mokhitbah, apinü I mulong ching tüsho I lümkhi ching lakhi yande arhimobah. Inü api kilim amütsankhi thüyam thsüjihbah, tüsho apinü lünnü inü amüsühkhitkhi miki tsahbah.

1 SAMUEL 7:17

Tüsho apinü Rama lim alode arü, tümüde ju ching api yam lakheah; apinü ju ching she Israel kheak mahkhap, tüsho Atungpuh kilim kingaün sadam thsü.

1 SAMUEL 9:12

Arünü alo, “ Am, ju ching api nüsa müngüh lah. Niokheamang; api kheakü lang kiuto ching arüdo, tümütüsho khihni mihtsürübo kingaün sadam kheak laksah-a kingaünpü lah.