1 SAMUEL 7:4 - AMÜSÜH HÜM CL Bible (BSI)

⁴ Jumonü Israelnü Baalbo le Astarbo dükheabah, tüsho arünü Atungpuh lang tankih.

1 SAMUEL 7:4 Iomraidhean Croise

1 KIULONG THSÜRÜ 11:33

Ha tümütüsho apinü I bahyukbah Sidonrü thrünbebo, Moab thrünpuh Kemosh tüsho Amonrü thrünpuh Molek kingaün tüsho abuh Davidnü arhimokhi nangde I miki alungki, I yakzanbo tüsho I yuzüngbo rhimode I limrobo ching mütsah.

1 KIULONG THSÜRÜ 11:5

Tümüde Solomonnü Sidonrü aliberü thrünpuh Astar tüsho Amonrü athraneanbe thrünpuh Molek yan.

1 KIULONG THSÜRÜ 8:48

arünü arü mulong tüsho me athrünkhinü arü rama lubah ayükhi arü riri lomi chingnü müthrisho, tüsho nünü mokhitkhi kiuto tüsho nü mung thsungkheak thüyam thsükhi tüsho nünü arü jipürü kilim jihkhi lo lim nü ki tamkhüntamnüsho;

2 KIULONG THSÜRÜ 23:15

Kheaküshe, Nebat tsührü Jeroboamnü Israel neak yihbeakshihde athsükhi Bethel ching kingaün sadambo tüsho achang dangpungbo lukabah. Apinü achang dangpung takbah asungthulung kamde züthünak; apinü Ashera sangthsü she tak.

HOSEA 14:3

Asirianü isa mükhümkhit; isanü khorabo kheak mübin; isa khahnü athsükhi ki kheaküa, ‘ Isa thrünpuhbo,’ de mütha. Nü kheak mürerünü mihmüthsüm ngüchoh.”

HOSEA 14:8

O Ephraim, inü nü sangthsübo kheak tümü thsüba? Nü ki alorü tüsho nü kümrü ju I ah. I a lünnü aphüyak sang nangde lah; nü thülünde alapü I kilimnü arüchoh.”

MAHKHAPRÜ 2:11

Judüki Israelrübonü Atungpuh miki amütsü ju rhimo tüsho Baalbo tankih;

MAHKHAPRÜ 2:13

Arünü Atungpuh bahyuk tüsho Baal le Astar tankih.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”

1 SAMUEL 7:5

Judüki Samuelnü tha, “Israel alala Mizpa ching bemukhungang, tüsho inü nüsa thsungkheak Atungpuh ki tamkhüntamnüjihbah.”