1 SAMUEL 7:3 - AMÜSÜH HÜM CL Bible (BSI)

³ Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”

1 SAMUEL 7:3 Iomraidhean Croise

THRÜNTAN 35:2

Jakobnü api yamkhün tüsho api lung larü alala ki tha, “Nüsa bolung lakhi khiungkerü thrünpuhbo bahbah nüsa tsangkhitang, tüsho nüsa khimmihbo müthriang.

1 KIULONG THSÜRÜ 11:33

Ha tümütüsho apinü I bahyukbah Sidonrü thrünbebo, Moab thrünpuh Kemosh tüsho Amonrü thrünpuh Molek kingaün tüsho abuh Davidnü arhimokhi nangde I miki alungki, I yakzanbo tüsho I yuzüngbo rhimode I limrobo ching mütsah.

1 KIULONG THSÜRÜ 8:48

arünü arü mulong tüsho me athrünkhinü arü rama lubah ayükhi arü riri lomi chingnü müthrisho, tüsho nünü mokhitkhi kiuto tüsho nü mung thsungkheak thüyam thsükhi tüsho nünü arü jipürü kilim jihkhi lo lim nü ki tamkhüntamnüsho;

2 KIULONG THSÜRÜ 17:39

Tüshe nüsanü Atungpuh nüsa Thrünpuh kingaünbah; apinü nüsa riri alala khah chingnü nüsa bekhitbah.”

2 KIULONG THSÜRÜ 23:15

Kheaküshe, Nebat tsührü Jeroboamnü Israel neak yihbeakshihde athsükhi Bethel ching kingaün sadambo tüsho achang dangpungbo lukabah. Apinü achang dangpung takbah asungthulung kamde züthünak; apinü Ashera sangthsü she tak.

1 KIUTHSÜYUKHEAN 22:19

Kheakü nüsa lümkhi tüsho mulong Atungpuh nüsa Thrünpuh yimpü zoang. Junangde Atungpuh Thrünpuh arüngyam thsümusuang, tüsho Atungpuh tangzüng sangdan tüsho Thrünpuh yo amüsüh kukrukbo Atungpuh mung ching thsükhi yam ching hande yüzahbah.”

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 19:3

Judüalalashe, atsü khürü nü kheak ngüdo, tümüde nünü Ashera thrünbebo lomi chingnü thsümünimabah, tüsho Thrünpuh yimpü nü mulong zo.”

2 KIUTHSÜYUKHEAN 20:33

Achang dangpungbo yihkhita mübah; mihtsürübonü arü jipürü Thrünpuh kheak arü mulong müjihyide alakheah.

2 KIUTHSÜYUKHEAN 30:19

Arüngyam müsühkhitpü yuzüng yande yungyung she sherünü Atungpuh arü jipürü Thrünpuh kheak arü mulong zocho.”

MÜCHITMUDU 16:1

Mulong thsakhamde alapü ju mihtsürü yo, tüshe thiyu alopü Thrünpuh kilimnü lah.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

EZEKIEL 14:6

Jumonü Israel yamkhün ki thaang, Wuto Atungpuhnü ha thachoh: Mulong müthriang! Nüsa sangthsübo chingnü rholoang tüsho nüsa athraneanbe rhimobo alala tukloang!

EZEKIEL 18:31

Nünü alakmihkhi alala chingnü tsokhitang, tüsho mulong aso tüsho me aso ngüang. Tümü thsükhi nü ashepü, O Israel yamkhün?

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

MATHI 15:8

‘Harü mihtsürübonü arü münbonü I ki wüntre jihchoh, tüshe arü mulongbo I kheaknü limshude lah.

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

LUKNÜ ATHRÜTKHI THIYUSHEAK-ATSÜ HUHTANYU 4:8

Jisunü api ki alo, “Ha thrüta lah, ‘Nünü Atungpuh nü Thrünpuh kingaünang, tüsho api lang tankihang.’ ”

JOHAN 4:24

Thrünpuh ju me ah, tüsho sherünü api kingaünchonü me tüsho thiyuro ching kingaünbeah.”

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

YUZÜNGTHALO 13:4

Nüsanü Atungpuh nüsa Thrünpuh dunglim tsahang tüsho api wüntreang, tüsho api yukhüm yande api düsheak aniang, tüsho nüsanü api tankihde api kheak düngdüng ramrihang.

YUZÜNGTHALO 4:29

Tüshe ju ching Atungpuh nüsa Thrünpuh nüsanü ayimbah, tüsho nüsanü mulong tüsho me athrünkhinü api yimsho angübah.

YUZÜNGTHALO 6:13

Nüsanü Atungpuh nüsa Thrünpuh wüntreang, tüsho api tankihang, tüsho api mung ching thiyuchihchim luang.

JIHUSUA 13:31

tüsho Gilead shihchamkhüh, Bashan ching lakhi Og kiulongthsü kiutobo Ashtaroth tüsho Edrei. Harü alala Manase tsührü Makir tsührübo arü guk ayannü Makirrü chamkhüh kilim jih.

JIHUSUA 24:14

“Jumonü Atungpuh wüntreang, tüsho rhüngrhüngde tüsho thiyuronü api tankihang; nüsa jipürünü ke thripkhüh tüsho Ijip ching kingaünkhi thrünpuhbo bahkhiang tüsho Atungpuh tankihang.

JIHUSUA 24:23

Apinü tha, “Dale tüsho nüsa bolung lakhi khiungkerü thrünpuhbo bahyukang, tüsho Atungpuh Israel Thrünpuh kheak nüsa mulong jihang.”

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.

MAHKHAPRÜ 10:6

Judüki Israelrünü kheaküshe Atungpuh miki amütsü rhimo, tüsho Baalbo, Astarbo, Siria thrünpuhbo, Sidon thrünpuhbo, Moab thrünpuhbo, Amon thrünpuhbo tüsho Filistia thrünpuhbo tankih; arünü Atungpuh bahyuk tüsho api mütankih.

MAHKHAPRÜ 2:11

Judüki Israelrübonü Atungpuh miki amütsü ju rhimo tüsho Baalbo tankih;

MAHKHAPRÜ 2:13

Arünü Atungpuh bahyuk tüsho Baal le Astar tankih.

1 SAMUEL 31:10

Arünü api thsühnuk Astar arüngyam ching yuka zo; tüsho arünü apang ju Beth-shan rhü kheak rhükkih-a zo.