1 SAMUEL 7:14 - AMÜSÜH HÜM CL Bible (BSI)

¹⁴ Filistiarünü Israel kiutobo lukhi Ekronnü Gath khiungde arü kilim jihlokham; tüsho Israelnü arü lo Filistiarü khah chingnü lulo. Judüki Israel tüsho Amorrü dükeak she mungtsü lakheah.

1 SAMUEL 7:14 Iomraidhean Croise

1 KIUTHSÜYUKHEAN 18:1

Kim anükhüh dunglim, Davidnü Filistiarü yan tüsho arü kuk; apinü Gath tüsho ju kiulongbo Filistiarü kheaknü lu.

MUNGSHIKHÜN 106:34

Arü ki Atungpuhnü thiyukhüm jihkhi yande arünü mihtsürübo mülaksah,

WÜHKHE 13:29

Amalekrü düjing lomi ching lah, Hitrü, Jebus, tüsho Amorrübo awungbo ching lachoh; tüsho Kananrü Mediterranean keto yean le Jordan keto yean ching lah.”

YUZÜNGTHALO 7:16

Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

YUZÜNGTHALO 7:2

tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

JIHUSUA 10:5

Judüki Amorrü kiulongthsürü phüngü, Jirusalem, Hebron, Jarmuth, Lakish, tüsho Eglon kiulongthsürü bolung thirithsürübo bebah Gibeon zündo tüsho bede keochih.

JIHUSUA 15:11

aredung ju Ekron wung dukulim yükihbah, Baala wung hode Shekkeron lim kiklo, tüsho Jabeel khiung; tüsho aredung ju keto chingnü arün ah.

MAHKHAPRÜ 4:17

Tüshe Sisera ju ajingnü tsokhitde Kenrü Heber yamkhünbe Jael yam ching yü; tümüde Hazor kiulongthsüpuh Jabin tüsho Kenrü Heber dükeak mungtsü lakheah.