1 SAMUEL 6:20 - AMÜSÜH HÜM CL Bible (BSI)

²⁰ Judüki Beth-shemesh mihtsürübonü tha, “Shepünü ha amüsüh Thrünpuh, Atungpuh müngüh zhipkhukba? Ha chingnü sangdan she kilim yüshihba?”

1 SAMUEL 6:20 Iomraidhean Croise

2 SAMUEL 6:7

Uzza kheak Atungpuh bukakhiukkhi alü kam; tüsho ju ching Thrünpuhnü api kheak shik tümütüsho apinü sangdan kheak akhah chungkhit; tüsho Thrünpuh sangdan rheang ki api sheabah.

2 SAMUEL 6:9

Ju nimung Davidnü A TUN GPU H ki tre; apinü tha, “Küde thsah Atungpuh sangdan inü akümpü kamkhea?”

MUNGSHIKHÜN 76:7

Nü lang atrepü lah. Nü bukakhiukchoki shenü nü miki zhipkhukpü la?

LEVI 11:44

Tümüyungde I Atungpuh nüsa Thrünpuh ah; jumonü nüsabo müsühkhitang, tüsho müsühde laang, tümütüsho I amüsüh ah. Alo kheak abüde atsahbe lorilokobo dünkheaknü müneana dulu.

LEVI 11:45

Tümüyungde I nüsa Thrünpuh thsüpü thsüde, nüsa Ijip lo chingnü bekhitbuh Atungpuh ah; jumonü nüsa müsühde laang, tümütüsho I amüsüh ah.

MALAKI 3:2

Tüshe api arükhi nimung shenü arümkhukba, tüsho api akhiukchoki shenü azhipkhukba? Api ju atsangkhitbe mo tüsho dükhüh-throbe nangde lah;

LUKNÜ ATHRÜTKHI THIYUSHEAK-ATSÜ HUHTANYU 5:8

Tüshe küyimki Simon Peternü ju ngükhea, apinü Jisu mukhukbo ki khukningde tha, “I kinü chamachihang, tümüde I a aneakrü mihtsürü ah, O Atungpuh.”

LUKNÜ ATHRÜTKHI THIYUSHEAK-ATSÜ HUHTANYU 8:37

Judüki ju lomi ching lakhi mihtsürü alalanü arü kinü chamachihpü api ki tha, tümüde arü khide trede alakheah. Tüsho apinü sangkung ching yüzahbah alode arü.

AMIKHEAKAKHIUKKHI 6:17

tümüde arü bukakhiukkhi nimung ato arüdo, tüsho shepünü ju müngüh zhipkhukba?”

1 SAMUEL 5:7

Tüsho küyimki Ashdod ching larübonü adünjikhibo ngükhea, arünü tha, “Israel Thrünpuh sangdan isa lung muzobeah; tümüde api khah isa le isa thrünpuh Dagon kheak mülanglah.”