1 SAMUEL 6:17 - AMÜSÜH HÜM CL Bible (BSI)

¹⁷ Harübo ha Filistiarünü A TUN GPU H kilim amülimkhi kingaün dünkheak mühahlokhi suna mübo; Ashdod, Gaza, Ashkelon, Gath tüsho Ekron arü abande khülang khülang;

1 SAMUEL 6:17 Iomraidhean Croise

2 SAMUEL 1:20

Gad ching dütha, Ashkelon kiudunglimrobo ching düzhi; jude yungsho Filistiarü tsührübonü asühachihbah, tsütamübahkhi tsührübonü asühachihbah.

2 SAMUEL 21:22

Harü 4 ha Gath ching Rabha kheaknü atrükkhitkhibo ah; arübo ju David tüsho api yamlarübo khah hode keamshih.

2 KIULONG THSÜRÜ 1:2

Ahazia ju Samaria ching api yam achangbe khiungshak yamkhuh kheaknü ayokhi, tüsho yuria yap; jumonü apinü yunithsürü ki thaa yüshih, “Yüang, I yurikhi chingnü anguba shi yungnü Ekron thrünpuh, Baal-zebub ki keoang.”

2 KIUTHSÜYUKHEAN 26:6

Apinü wukhiuk tüsho Filistiarü bede thirithsü, tüsho Gath chipi le Jabne chipi tüsho Ashdod chipi kingkheam; apinü Ashdod lomi ching tüsho Filistiarü bolung kiutobo thsü.

JEREMIA 25:20

khiungkerü larü alala; Uz lomi ching kiulongthsürü alala; Filistia lomi ching kiulongthsürü alala– Ashkelon, Gaza, Ekron, tüsho Ashdod ching aningkhi;

LEVI 5:7

Tüshe apinü namfimihnu yungsho mihnu müjihkhuksho, apinü neak shaklopü müthrithrümpü mahne yungsho chithüreku mahne Atungpuh kilim, khülang neak kingaün tüsho püpü ju taka kingaünpü thsungkheak hande arübah.

AMOS 1:6

Atungpuhnü ha thachoh: Gazanü alochode neak yihbeakkhi dünkheak, inü thsümüchi mululo; tümütüsho arünü trükshih abümnü Edom kilim jihpü ramtso ching hande yü.

AMOS 6:2

Kalne hode yüang, tüsho kheahang; ju chingnü Hamath ato ching yüang; jushu Filistia ching Gath lim yükiang. Nüsa kiulongthsü mahne kheaknü arü atsübea de? Yungsho arü lomi nüsa kheaknü atobea de?

YUZÜNGTHALO 28:27

Ijip ching lakhi phanjakkhuh, mü, müshak rangrangrurubo chingnü müthsüngukhukpü thsüde Atungpuhnü nüsa kheak thsümüchibah.

MAHKHAPRÜ 1:18

Judanü Gaza, Ashkelon tüsho Ekron lomibo she luabah.

MAHKHAPRÜ 14:19

Judüki Atungpuh me api kheak tode arü, tüsho apinü Ashkelon lim yüki tüsho mihtsürü 30 laksahbah arü khimmih lu tüsho amüthribe khimmih ju akeokhikhi thakhukrü kilim jih. Junangde api khide bukakhiuk, tüsho abuh yam lim alode yü.

MAHKHAPRÜ 16:1

Nimung khüh Samsonnü Gaza ching yü tüsho ju ching müzammüramrü khülang ngü tüsho anihbe lung yü.

MAHKHAPRÜ 16:21

Judüki Filistiarünü api rambah amükjibo khünkhit tüsho Gaza ching bede yü. Arünü api müwayinchi liunü rhük, tüsho rihyam ching hi churü kamabah.

1 SAMUEL 5:1

Küyimki Filistiarünü Thrünpuh sangdan yankhia lukhea, arünü ju Ebenezer chingnü Ashdod ching lubah arü;

1 SAMUEL 5:10

Jumonü arünü Israel Thrünpuh sangdan Ekron lim yüshih. Tüshe küyimki Thrünpuh sangdan Ekron lim arükhea, Ekron mihtsürübonü zhimusu, “ Tümüde arünü Israel Thrünpuh sangdan isa le isa mihtsürü laksahshihpü isa kilim hande arükhea?”

1 SAMUEL 5:8

Jumonü arünü yunithsürü thiyia yüshih tüsho Filistia kiulongthsürü phüngü bemukhung, tüsho tha, “Israel Thrünpuh sangdan ha isanü küde athsüba?” Gath ching larübonü alo, “ Thrünpuh sangdan ju isa kilim arüshang.” Jumonü arünü Israel Thrünpuh sangdan Gath lim hande yüshih.

1 SAMUEL 6:4

Tüsho arünü tha, “ Api lung yüshihpü thsüde amülimkhi kingaün ju tümü a?” Arünü alo, “Filistia kiulongthsürü abande arümnü akhiukshihkhi suna mü phüngü tüsho suna phihnu phüngü; tümüde ha arüm nüsa le nüsa kiulongthsürübo kheak lakheah.