1 SAMUEL 5:9 - AMÜSÜH HÜM CL Bible (BSI)

⁹ Tüshe arünü ju Gath lim hanbah arüshu Atungpuh khah kiuto kheak azhihde zukleangnü treshih; apinü kiuto ching larü azürü tüsho azorü alala kheak mü akhiukshih.

1 SAMUEL 5:9 Iomraidhean Croise

MUNGSHIKHÜN 78:66

Tüsho apinü ariribo yanloa tsoshih; apinü arü akheam müla achih ngüshih.

AMOS 5:19

khürü kekhüzü kheaknü tsobah kuto shorukhi nangde; yungsho thüyam ching yüzahbah rhü kheak angükihchoki, phurutonü anguhkhi nangde!

YUZÜNGTHALO 2:15

Tümüde arübo binkheampung chingnü müsheshihyi khiungde Atungpuhnü azhihkhi khah arü kheak lakheah.

1 SAMUEL 12:15

tüshe nüsanü Atungpuh yu manide api yukhüm azhihsho, nüsa jipürü kheak azhihkhi nangde Atungpuh khahnü nüsa le nüsa kiulongthsüpuh azhihbah.

1 SAMUEL 5:10

Jumonü arünü Israel Thrünpuh sangdan Ekron lim yüshih. Tüshe küyimki Thrünpuh sangdan Ekron lim arükhea, Ekron mihtsürübonü zhimusu, “ Tümüde arünü Israel Thrünpuh sangdan isa le isa mihtsürü laksahshihpü isa kilim hande arükhea?”

1 SAMUEL 5:11

Jumonü arünü thiyiloa yüshihbah Filistia kiulongthsürübo mukhungshih, tüsho tha, “Israel Thrünpuh sangdan dükhea tsoshang, tüsho ju azopung ching zoloshang, junangde isa le isa mihtsürü mülaksah.” Tümüde judüki kiuto ching zukleangnü ashekhi lakheah. Ju ching Thrünpuh khah mülangde alakheah;

1 SAMUEL 5:6

Atungpuh khah Ashdod mihtsürü kheak mülangde alakheah, tüsho apinü arü thsümüchi tüsho mü akhiukshih.

1 SAMUEL 6:11

Arünü Atungpuh sangdan tüsho suna phihnu le arü mü kiphahde anungkhibo zahkhi tsüm ju lolungbe kheak yihkih.

1 SAMUEL 7:13

Jumonü Filistiarü junoabah tüsho Israel lo ching müyüzahlo; Samuel kim amuyung Atungpuh khah Filistiarü azhihde alakheah.