1 SAMUEL 5:8 - AMÜSÜH HÜM CL Bible (BSI)

⁸ Jumonü arünü yunithsürü thiyia yüshih tüsho Filistia kiulongthsürü phüngü bemukhung, tüsho tha, “Israel Thrünpuh sangdan ha isanü küde athsüba?” Gath ching larübonü alo, “ Thrünpuh sangdan ju isa kilim arüshang.” Jumonü arünü Israel Thrünpuh sangdan Gath lim hande yüshih.

1 SAMUEL 5:8 Iomraidhean Croise

1 KIUTHSÜYUKHEAN 7:21

atsührü Zabad, atsührü Shuthela, tüsho Ezer le Elead. Kheakü Gath mihtsürübonü ane laksah, tümütüsho anenü arü shiwüh lupü aki.

AMOS 6:2

Kalne hode yüang, tüsho kheahang; ju chingnü Hamath ato ching yüang; jushu Filistia ching Gath lim yükiang. Nüsa kiulongthsü mahne kheaknü arü atsübea de? Yungsho arü lomi nüsa kheaknü atobea de?

ZEKARIA 12:3

Ju nimung mihtsürü alala thsungkheak inü Jirusalem ju lung amülang kamshihbah; ha shuhkihrü alala nihbuh zangrü khitode ayuribah. Tüsho lomi trükshih alalanü rukhüh thsübah ha azhihde arübah.

JIHUSUA 13:3

tüsho düjinglim Avvim lomi alala. (Ijip aredung yean ching Shihor kenü lo chingnü Ekron aredung yean dukulim khiungde Kananrü de ajikheah; Filistiarü yakzanshuhrü phüngü ju Gaza, Ashdod, Ashkelon, Gath, tüsho Ekron ching lakheah.)

JIHUSUA 15:11

aredung ju Ekron wung dukulim yükihbah, Baala wung hode Shekkeron lim kiklo, tüsho Jabeel khiung; tüsho aredung ju keto chingnü arün ah.

1 SAMUEL 17:4

Judüki Filistiarü binkheampung chingnü Gathrü Goliath de thsübah athrungrü khülang akhiuk, api leang ju kipying 9 kheak kip 1 lakheah.

1 SAMUEL 17:52

Israel tüsho Juda bonungrübo ahode asürü tüsho Gath le Ekron ripit khiungde Filistiarü yande yü, junangde Filistiarü yurirübo Shaaraim chingnü Gath tüsho Ekron khiungde limro ching angaka yap.

1 SAMUEL 29:6

Judüki Akishnü David ji tüsho api ki tha, “Nünü I kheak thiyuro lado de Atungpuh mung tamde thiyuchihchimchoh, tüsho inü alungki lümkhia, nü I lung thirithsü ching labeah; tümüde nü I kilim arükhi nimungnü khihni khiungde inü nü kheak tümü amülim müngü. Judüalalashe püpü kiulongthsürübonü a nü ju mükheyuk.

1 SAMUEL 5:11

Jumonü arünü thiyiloa yüshihbah Filistia kiulongthsürübo mukhungshih, tüsho tha, “Israel Thrünpuh sangdan dükhea tsoshang, tüsho ju azopung ching zoloshang, junangde isa le isa mihtsürü mülaksah.” Tümüde judüki kiuto ching zukleangnü ashekhi lakheah. Ju ching Thrünpuh khah mülangde alakheah;

1 SAMUEL 5:7

Tüsho küyimki Ashdod ching larübonü adünjikhibo ngükhea, arünü tha, “Israel Thrünpuh sangdan isa lung muzobeah; tümüde api khah isa le isa thrünpuh Dagon kheak mülanglah.”

1 SAMUEL 6:2

Judüki Filistiarünü amükeamrü le thümürübo ji tüsho tha, “Isanü Atungpuh sangdan küde athsüba? Isanü tümü bebah azopung ching alode ayüshihbanü isa ki thaang.”