1 SAMUEL 4:21 - AMÜSÜH HÜM CL Bible (BSI)

²¹ Anihbenü khungarü mung Ikabod de ji, amütsan, “ Müretahkhi Israel kheaknü chamkhido”, tümütüsho Thrünpuh sangdan yankhia luabah tüsho aniubuh abuh le aniubuh ane sheabah.

1 SAMUEL 4:21 Iomraidhean Croise

MUNGSHIKHÜN 106:20

Hanangde arünü arü müretahkhi rim tsühbe moshipung mejak ching müthriabah.

MUNGSHIKHÜN 26:8

O Atungpuh , inü nü lapung yam, tüsho nü müretah lakhi dangpung muzholah.

MUNGSHIKHÜN 78:61

tüsho apinü api wu tüsho müretah amütsan lakhi tangzüng sangdan isa riribonü yankhia lushih.

MUNGSHIKHÜN 78:64

Arü yo amükeamrübo nukshangnü keam, tüsho arü niuberübonü mütüzho.

JEREMIA 2:11

Trükshihnü jurübo thrünpuh yunga lalashe thrünpuhbo müthrikhea shi? Tüshe I mihtsürübonü alü mülakhi dün arü müretahkhi müthriabah.

TÜZHOKHI 2:1

Künangde Atungpuhnü abukakhiukkhi amonü Zion tsührübe liudola! Apinü Israel tsakamkhi yinmi chingnü alomi ching jipkhido; apinü api bukakhiukkhi nimung ajing thrümpung mülümkhit.

HOSEA 9:12

Arünü tsührübo mütrümususu she, sheshe maningyi khiungde inü arü tüzhoshihbah. I arü kheaknü chamachihchoki atsütsü arü are!

1 SAMUEL 14:3

arü bolung amükeambuh Ahijanü (Ikabod akhiung Ahitub tsührü; Ahitub ju Shilo ching Atungpuh amükeambuh Eli tsührü Phinehas tsührü ah) amükeamrü khim han. Kheakü mihtsürübonü Jonathan yüabahdo de mümükheah.

1 SAMUEL 2:34

Nü tsührü mahne, Hophni tüsho Phinehas kheak dünjikhinü nü ki amütsan labah–ane chido nimungkhühnü ashebah.

1 SAMUEL 3:12

Ju nimung inü Eli yamkhün azhihde athakhi, atankihnü akheam khiungde adünjibah.

1 SAMUEL 4:11

Thrünpuh sangdan yankhia lu; tüsho Eli tsührü mahne, Hophni tüsho Phinehas laksah.

1 SAMUEL 4:22

Alibenü tha, “ Müretahkhi Israel kheaknü chamkhido, tümüde Thrünpuh sangdan yankhia ludo.”