1 SAMUEL 4:18 - AMÜSÜH HÜM CL Bible (BSI)

¹⁸ Küyimki apinü Thrünpuh sangdan thakhea, abinkiu kheak adunglimnü ayokhia chipimurung ki keam; tüsho ahung athsungshakbah api sheabah, tümüde api ashinbuhrü tüsho mülangde alakheah. Apinü Israel kam yirü mahkhap.

1 SAMUEL 4:18 Iomraidhean Croise

MUNGSHIKHÜN 26:8

O Atungpuh , inü nü lapung yam, tüsho nü müretah lakhi dangpung muzholah.

MUNGSHIKHÜN 42:10

Arünü mükhemükimkhinü I züthünaka lah, arünü I ki nimung amuyung keochoh, “Nü Thrünpuh kükheak la?”

MUNGSHIKHÜN 42:3

I chikebo ju animung tüsho are I jim lakheah, I riribonü mutukzhakde I ki tha, “Nü Thrünpuh kükheak la?”

MUNGSHIKHÜN 69:9

Nü arüngyam mürheangkhinü I aniuabahdo, tüsho nü mükhemükimrünü mükhemükimkhi I kheak akihdo.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

MAHKHAPRÜ 15:20

Tüsho apinü Filistiarü nimungbo ching Israel kam muku mahkhap.

1 SAMUEL 4:13

Küyimki api khiungkhea, Elinü limro ching abinkiu kheak binbah kheahde alakheah, tümüde Thrünpuh sangdan dünkheaknü api mulong ajan. Küyimki mihtsürü junü kiuto ching azahbah thiyusheak thakheanü, kiuto ching larü alalanü zhikhi.

1 SAMUEL 4:17

Yunithsürünü alo, “Filistiarü müngüh Israel tsodo, tüsho bonungrü bolung she muliuhde laksahdo, nü tsührü mahne, Hophni tüsho Phinehas she shedo, tüsho Thrünpuh sangdan yankhia ludo.”

1 SAMUEL 4:19

Kheakü atsühmeakbe Phinehas niube mübünkeangde, tsührü zübepü thsüde alakheah. Küyimki alibenü Thrünpuh sangdan yankhia lukhi thiyusheak sokhea, tüsho aniubuh abuh le aniubuh sheabahkhea, alibenü mükhümbah zübede thsünümurhuabah.