1 SAMUEL 4:10 - AMÜSÜH HÜM CL Bible (BSI)

¹⁰ Jumonü Filistiarünü keochih; arünü Israelrü kuk, tüsho arübo nihbuh yam lim shande tso. Judüki khide muliuhde laksah, tümüde Israel bonungrü jingnü atsahrü 3000 keamabah.

1 SAMUEL 4:10 Iomraidhean Croise

2 SAMUEL 18:17

Arünü Absalom lubah murung ching alokhün ato ching jipa bah, tüsho api kheak lung ato rhungkih. Judüki Israelrü alala nihbuh yam lim alihde tso.

2 SAMUEL 18:7

Ju ching David yamlarübonü Israel mihtsürü kheak kuk, tüsho ju nimung hihdakde mihtsürü 20,000 laksah.

2 SAMUEL 19:8

Judüki kiulongthsüpuhnü asürü tüsho api binkiu ripit ching lubah yü. Bonungrü alala ki tha, “Kheahang, kiulongthsüpuh ripit ching binlah”; tüsho bonungrü alala kiulongthsüpuh miki arü. Judüki Israelrü alala nihbuh yam lim tsoabah.

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

1 KIULONG THSÜRÜ 12:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel! Kheakü nüsa nihbuh yam lim kheahang, O David.” Jumonü Israelnü arü khimyam lim yüabah.

1 KIULONG THSÜRÜ 22:36

Judüki ani yüzahshu bonungrü ki thiyukhüm khülang yü, “Mihbüm abannü nihbuh kiuto tüsho nihbuh lomi lim yüloang!”

2 KIULONG THSÜRÜ 14:12

Juda ju Israelnü kuk; mihbüm abannü thüyam lim alihde tso.

2 KIUTHSÜYUKHEAN 13:17

Abija tüsho api bonungrünü tode laksahde arü kuk; amokhitkhi Israel mihtsürü 500,000 laksah-a yap.

2 KIUTHSÜYUKHEAN 25:22

Juda ju Israelnü kuk; mihbüm abannü thüyam lim alihde tso.

MUNGSHIKHÜN 78:9

Ephraim mihtsürübo thirithsü zülu lu tüsho sanglühbo hanbah keochih nimung rholode tso.

JEREMIA 7:12

Kheakü Shilo ching lakhi I lapung ching yüang, küpü ching akhuhde I mung lakhea, ju ching I mihtsürü Israel mihbukmuyuk thsungkheak tümü rhimoa lanü kheahang.

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

1 SAMUEL 3:11

Judüki Atungpuhnü Samuel ki tha, “ Kheahang, inü Israel ching tümüanü arhimopü lah tüsho shepünü ju sobanü nükhün ane chido peangbah.

1 SAMUEL 4:2

Filistiarünü shihkhin thsübah Israel azhih, tüsho küyimki shoruachihbah keochihkhea, Filistiarünü Israel kuk, arünü keochihpung ching mihtsürü 4000 bande laksah.