1 SAMUEL 31:6 - AMÜSÜH HÜM CL Bible (BSI)

⁶ Jumonü Saul tüsho atsührü mahsam le api thsühnuk hanbuh tüsho amihtsürübo alala nimung rukhüh ching sheabah.

1 SAMUEL 31:6 Iomraidhean Croise

2 SAMUEL 1:1

Saul she dunglim, küyimki David Amalekrü kukbah alodarükhea, api Ziklag ching nimung mahne mung.

2 SAMUEL 1:12

Arünü tüzhode mitrip, tüsho Saul le atsührü Jonathan, tüsho Atungpuh bonungrü tüsho Israelrü thsungkheaknü arelim khiungde khümkeak thsü, tümütüsho arübo nukshangnü keamshih.

1 KIUTHSÜYUKHEAN 10:6

Hanangde Saul le atsührü 3 tüsho api yamkhün alala rüpde sheabah.

MAHKHAPRÜ 9:54

Judüki apinü nahde api thsühnuk hanrü athrününgtsüng mihtsürü ki tha, “Nü nukshang dukkhitang tüsho I laksahang, jude yungsho mihtsürübonü athabah, ‘ Azoberü khülangnü api laksah-a lah.’” Jumonü api yo athrününgtsüngbuhnü api chinkhitde düchip tüsho sheabah.

1 SAMUEL 11:15

Jumonü mihtsürü alala Gilgal ching yü tüsho Gilgal ching arünü Atungpuh miki Saul ju kiulongthsüpuh kamshih. Ju ching arünü Atungpuh kilim mungtsü kingaünkhi laksah-a kingaün, tüsho ju ching Saul le Israelrü alala tode asühachih.

1 SAMUEL 12:17

Khihni ha wheat hi yimluchoh yung de? Inü Atungpuh ki jibah, junangde apinü tsüngmuk tüsho tsüng arüshihbah; tüsho nüsanü Atungpuh miki kiulongthsürü kheangde amütsü rhimokhi tolah de nüsanü angübah.”

1 SAMUEL 12:25

Tüshe nüsanü judü lang amütsü rhimosho, nüsa le nüsa kiulongthsüpuh chido phüta bahbah.”

1 SAMUEL 26:10

Davidnü tha, “Atungpuh lale, Atungpuhnü api kheana lungshihbah; yungsho api nimung ashepü arübah; yungsho api thirithsü ching yükibah tüsho adükheakbah.

1 SAMUEL 28:19

Kheaküshe Atungpuhnü Israel nü lung Filistiarü khah ching jihbah; tüsho shido nü le nü tsührübo I lung labah; kheaküshe Atungpuhnü Israel bonungrü Filistiarü khah ching jihbah.”

1 SAMUEL 31:5

Küyimki api thsühnuk hanbuhnü Saul shea ngükhea, api she anihbuh nukshang kheak keambah api lung sheabah.

1 SAMUEL 31:7

Küyimki Jordan hobah ke thripkhüh larü Israelrünü Saul tüsho atsührübo shekhi ngükhea, arübonü nihbuh kiuto bahbah tso; tüsho Filistiarünü arübah ju müküh-a lu.