1 SAMUEL 31:1 - AMÜSÜH HÜM CL Bible (BSI)

¹ Kheakü Filistiarünü Israel bede keochih; tüsho Israelrübo Filistiarü müngüh tso, tüsho ahihdo Gilboa wung ching keamabah.

1 SAMUEL 31:1 Iomraidhean Croise

2 SAMUEL 1:21

O Gilboa wungbo, nü kheak ayinke yungsho tsüng dakishih, ju lubo ching hi dakhiukshih! Tümüde ju ching wulakhi tsung thsümünimabah, oliv müdangkenü mujukhi Saul tsung kheaküa müla.

2 SAMUEL 1:6

Athrününgtsüngbuhnü api ki thiyusheak jihde tha, “I Gilboa wung kheak lakheah; tüsho küyimki lolungbe le khoraberü api thüninkheanü Saulnü athsüh kheak keamkih.

2 SAMUEL 4:4

Saul tsührü Jonathan a jing kikkhi tsührü khülang lakheah. Küyimki Saul tüsho Jonathan dünkheak Jezreel chingnü thiyusheak arükheanü api kam 5 lakheah. Api mütrürünü shuh-a lubah alihde tso; tüsho anihbe niokheamde atsochoki, api ayokhi tüsho jingkikrü kamkheah. Api mung Mephiboshet lakheah.

1 SAMUEL 12:25

Tüshe nüsanü judü lang amütsü rhimosho, nüsa le nüsa kiulongthsüpuh chido phüta bahbah.”

1 SAMUEL 28:1

Judüki nimungbo ching Israel bede keochihpü Filistiarü bonungrü mukhungde alakheah. Akishnü David ki tha, “Nü tüsho nü mihtsürübo I yo bonungrü lung bebah de nünü mükheahlah.”

1 SAMUEL 28:15

Judüki Samuelnü Saul ki tha, “ Tümü thsükhi nünü I küpkhuk jihde bede atukhea?” Saulnü alo, “I lümthsünü ato ching lah, tümüde Filistiarünü I bede keochihchoh, tüsho Thrünpuhnü I kheaknü tsoabahbah wukihrü yungsho milim müchitrü hodü she I ki malojih; jumonü inü tümü rhimobeanü ju thashihpü nü jikheah.”

1 SAMUEL 28:19

Kheaküshe Atungpuhnü Israel nü lung Filistiarü khah ching jihbah; tüsho shido nü le nü tsührübo I lung labah; kheaküshe Atungpuhnü Israel bonungrü Filistiarü khah ching jihbah.”

1 SAMUEL 28:4

Filistiarübo mukhungde arübah Shunem ching binkheam. Saulnü Israel alala bemukhungbah Gilboa ching binkheam.

1 SAMUEL 29:1

Kheakü Israelrü Jezreel ching lakhi kenü ki binkheamchoki, Filistiarü a arü thirithsürübo Aphek ching mukhung.