1 SAMUEL 30:8 - AMÜSÜH HÜM CL Bible (BSI)

⁸ Davidnü Atungpuh ki keokhi, “Inü thiriribo ha müshamanü de? Inü arü tholoba shi?” Apinü anihbuh ki tha, “Yande müshamang; tümüde tsükjide nünü atholobah tüsho aramrübo khümkhitbah.”

1 SAMUEL 30:8 Iomraidhean Croise

THRÜNTAN 14:16

Junangde apinü kukruk alala, akeoniorü Lot tüsho api kukrukbo, aliberübo tüsho mihtsürübo she belode arü.

2 SAMUEL 5:19

Davidnü Atungpuh ki keokhi, “I Filistiarü azhihde wutuba shi? Nünü arübo I khah ching jihba shi?” Atungpuhnü David ki tha, “Wutuang; tümütüsho tsükjide Filistiarü nü khah ching jihbah.”

2 SAMUEL 5:23

Küyimki Davidnü Atungpuh ki keokheanü, apinü tha, “Nü duwutu; arü dunglim mükamde yüang, tüsho balsam sang kinü arü tholoang.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ABEKHIT 15:9

Thiririnü tha, ‘Inü amüshambah, inü ayanphuhbah, inü arü lakhit chambah tüsho I künkhi alala lubah; inü I nukshang dukkhitbah tüsho arü lakhi alala lubah.’

WÜHKHE 27:21

Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

MAHKHAPRÜ 20:18

Tüsho Israel mihtsürünü asürübah Thrünpuh lümkhi keopü Thrünpuh yam ching wutu. Arünü tha, “Benjamin mihtsürü bede keochihpü isa shepü akhuhde awutuba?” Atungpuhnü alo, “ Juda akhuhde awutubah.”

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

MAHKHAPRÜ 20:28

tüsho judüki Aron tsührü, Eleazar tsührü Phinehasnü Atungpuh miki tankihde alakheah,) “ Kheaküshe isanü wutuba shi, dashi arün thsüba?” Atungpuhnü tha, “Wutuang; tümüde inü shido arübo nüsa khah ching jihbah.”

MAHKHAPRÜ 8:4

Tüsho Gideon le api lung mihtsürü 300 keaka lalashe müshamde Jordan ching arü tüsho hode yü.

1 SAMUEL 10:22

Jumonü kheaküshe arünü Atungpuh ki keokhi, “ Mihtsürü ha ching marüyi de?” Tüsho Atungpuhnü alo, “ Kheahang, api hah thsükhi bolung jiklah.”

1 SAMUEL 14:37

Jumonü Saulnü Thrünpuh ki keokhi, “I Filistiarü dunglim yükiba shi? Nünü arübo Israel khah ching jihba shi?” Tüshe apinü ju nimung anihbuh ki malojih.

1 SAMUEL 23:2

Davidnü Atungpuh ki keokhi, “Inü yübah harü Filistiarü yanba shi?” Atungpuhnü David ki tha, “Yübah Filistiarü yanang tüsho Keilah khümkhitang.”

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.

1 SAMUEL 30:18

Amalekrünü alukhi alala Davidnü lulokham; tüsho Davidnü aniube mahne she yankhia lu.

1 SAMUEL 30:19

Anini yungsho ato, tsührü athrürü, aliberü, yankhia lukhi yungsho tümükhüh lukhi tümü she müdükheakshih; Davidnü lüpdükhi hanlode arü.