1 SAMUEL 30:6 - AMÜSÜH HÜM CL Bible (BSI)

⁶ David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.

1 SAMUEL 30:6 Iomraidhean Croise

THRÜNTAN 32:7

Jumonü Jakob khide tre tüsho lümthsünü; tüsho apinü anihbuh lung bekhi mihtsürü, tüsho mihnu le moshi boto, tüsho kemelbo bo mahne thsüde cham.

2 SAMUEL 17:8

Hushainü thalo, “Nü buh tüsho api mihtsürübo thirithsürübo ah de nünü mükheahlah, tüsho arübo thulu ching kuto anunubo jangkhikhi nangde bukmüke ah. Ju lang yung, nü buh ju thirithsüpü ching athsüso; apinü azhing ching bonungrü lung mülachoh.

2 KIULONG THSÜRÜ 4:27

Küyimki alibenü Thrünpuh mihtsürü shorupü awung ching arükhea, alibenü api jing kheak ramlo. Gehazinü alibe nima tsoshihpü thsü. Tüshe Thrünpuh mihtsürünü tha, “Alibe azangrü zojang, tümüde anihbe lümthsünü akhüh ching lah; Atungpuhnü ju I kheaknü ramlah tüsho I ki mütha.”

JOB HU H T ANYU 13:15

Apinü I laksahsah she inü api kheak kinbah; junangde api miki I dünkheak inü athabah.

MUNGSHIKHÜN 116:10

Inü akin lado, jumonü inü asuk, “I tode thsünüdo.”

MUNGSHIKHÜN 138:3

Inü nü ki zhi nimung, nünü I ki alojih, tüsho I me ching sühmüh lade I mulong toshih.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 18:6

I lümthsünü ching inü Atungpuh jichoh; arung thsungkheak inü I Thrünpuh ki ji. Api arüngyam chingnü apinü I düsheak so; tüsho inü azhikhi api nükhünbo khiung.

MUNGSHIKHÜN 25:17

I mulong kipathsükkhi akhimshang, tüsho I lümthsünü chingnü bekhitang.

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

MUNGSHIKHÜN 31:24

Nüsa Atungpuh kheak mulonglamrü alala, sühmüh düküngang, mulong toang.

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 42:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 42:7

Nü kezho düsheak ching asüknü asük ki jichoh; nü ke abükde abukkhinü I zhihodo.

MUNGSHIKHÜN 56:11

Inü api kheak kinchoh, tüsho mütrede alabah. Mihtsürünü I ki tümü thsükhukpü?

MUNGSHIKHÜN 62:1

I menü arümde Thrünpuh aleangchoh; I akhümkhit api kilimnü arüchoh.

MUNGSHIKHÜN 62:5

I menü Thrünpuh thsungkheak lang zhikde aleangchoh, tümüde I mükkin ju api kilimnü lah.

MUNGSHIKHÜN 71:4

O I Thrünpuh, mihbukmuyuk khah chingnü, thiyuro-lungki mülarü tüsho bukmüke mihtsürü khah chingnü I bekhitang.

MUNGSHIKHÜN 71:5

Tümüde nü I mulonglam ah, O Atungpuh T HRÜNPU H ; I athunuchokinü nü a inü akinkhi lah.

ABEKHIT 17:4

Jumonü Mosanü Atungpuh ki zhide tha, “Inü ha mihtsürü kheak küde athsüba? Arünü I lungnü arupü thsüchoh!”

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JONA 2:2

“ Inü I lümthsünü chingnü Atungpuh ki ji tüsho apinü I ki alojih; Ashe-lomi asük chingnü inü zhi, tüsho nünü I düsheak so.

WÜHKHE 14:10

Tüshe boto alalanü ane rusahabahpü asukachih, judüki Atungpuh müretahkhi ashorupung khimyam ching Israelrü mihtsürü alala miki akhiuka huh.

MATHI 21:9

Judüki müngühlim yükhi tüsho dunglim yankhi botonü zhide tha: “Hosanna, David tsührü! Shepü Atungpuh mung chingnü arüchonü müngühmühi thsang! Achangbe chingnü shiang!”

MATHI 27:22

Pilatnü arü ki tha, “Dale tüsho Khrista de ajikhi Jisu ki inü tümü thsüba?” Arünü api ki alo, “Api yümkihang.”

JOHAN 8:59

Judüki arünü lung thrüa lubah api kheak king; tüshe Jisunü jikabah tüsho arü bolungnü hode yübah arüngyam chingnü wukhiuk, tüsho tsoabah.

ROMRÜ KILIM PAULNÜ ATHRÜTKHI KIHÜM HUHTANYU 4:18

Trükshih ahihdo abuh kampü thsüde mulonglam mülakhi azhihde mulonglam ching apinü kin; api ki ha thaa lakheah, “Junangde nü tsühsoniusobo labah.”

ROMRÜ KILIM PAULNÜ ATHRÜTKHI KIHÜM HUHTANYU 4:20

Thrünpuhnü alokhikhi dünkheak apinü akin müniukniuk, tüshe api akin ching düküngde kam tüsho Thrünpuh müretahshih.

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

2 KORINT 1:6

Isa thsünüsho, ju nüsa thsungkheak mulong shukheam tüsho akhümkhit lah; tüsho isa mulong shukheamsho, ju isa thsünükhi nangde nüsanü arümkheamde thsünükhi nüsa thsungkheak mulong shukheam lah.

2 KORINT 4:8

Limbeak aban ching isa thsünülah, tüshe müzünak; yingyinglah tüshe mulonglam müdükheak;

2 KORINT 7:5

Tümütüsho küyimki isa Macedonia ching arükhea, isa pang sühakhim müla, lüpdükhi lim küpkhuk lakheah. Wungdo rukachih, alunglim atrebe lakheah.

IBRI 13:6

Jumonü isanü mulongram lade thachoh, “Atungpuh ju I rungrü ah, inü mütre; mihtsürünü I ki tümü thsükhukpü?”

MAHKHAPRÜ 18:25

Danrünü alo, “Isa kheak datsangachih, jude yungsho bukmüke mihtsürü khürünü nü zündobah, tüsho nü le nü yamkhün rhangdung dükheakbah.”

MAHKHAPRÜ 20:22

Tüsho Israel mihtsürübonü khülangnü khülang mulong toa lu tüsho atan ni arü zhippung thsakhambah zhip.

1 SAMUEL 1:10

Alibenü sükde lümthsünü tüsho Atungpuh ki tamkhüntamnü, tüsho düsüknimde trip.

1 SAMUEL 23:16

Saul tsührü Jonathannü tsahmusubah David kilim Horesh ching arü; Atungpuh hode ju ching api reangzahlode kam.

1 SAMUEL 28:15

Judüki Samuelnü Saul ki tha, “ Tümü thsükhi nünü I küpkhuk jihde bede atukhea?” Saulnü alo, “I lümthsünü ato ching lah, tümüde Filistiarünü I bede keochihchoh, tüsho Thrünpuhnü I kheaknü tsoabahbah wukihrü yungsho milim müchitrü hodü she I ki malojih; jumonü inü tümü rhimobeanü ju thashihpü nü jikheah.”