1 SAMUEL 30:26 - AMÜSÜH HÜM CL Bible (BSI)

²⁶ Küyimki David Ziklag ching arükhea, apinü ayankhikhi shihcham amüyamrübo, Juda azothsürübo kilim mühahde tha, “ Ha A TUN GPU H riribo kheaknü ayankhikhi nüsa thsungkheak thsambah khülang ah”;

1 SAMUEL 30:26 Iomraidhean Croise

THRÜNTAN 33:11

Muzhobah, nü kilim hande arükhi I müngühmühi luang, tümütüsho Thrünpuhnü I ki muzhode rhimodo, tüsho I suhdahde lah.” Apinü anihbuh ki thsungkih tüsho apinü ju lu.

2 SAMUEL 1:1

Saul she dunglim, küyimki David Amalekrü kukbah alodarükhea, api Ziklag ching nimung mahne mung.

2 KIULONG THSÜRÜ 5:15

Judüki api le api borü alala Thrünpuh mihtsürü kilim alode arü; apinü arübah amiki zhip tüsho tha, “ Kheakü Israel kheak hode alomi alala ching Thrünpuh müla de inü mükheahlah; muzhobah nü yamlarü kilimnü thsambah khülang leangkhijang.”

MUNGSHIKHÜN 35:27

I thiyuro-lungki lümjihrünü asühachihde zhishang; tüsho mutuklode arünü thashang, “Api yamlarü tsüde alakhi ching asühkhi Atungpuh shuhkihshang.”

MUNGSHIKHÜN 68:18

Aramrübo api lung bebah achangbo kheak yükihchoh; azhihrü mihtsürübo kheaknü she apinü thsambahbo leangkhichoh, Atungpuh Thrünpuh ju ching labah.

ISAIA 32:8

Tüshe sherü mükheahmudurü lanü mükheahmudu lümkhi thsüchoh, tüsho mükheahmudu hode arü zhipchoh.

2 KORINT 9:5

Jumonü I müngühnü keoniorübo nüsa kilim tuthsuka yüshihbah nüsanü alokhikhi thsambah amüngühnü tsanglungpü yihnüpü lah de inü lümdo, junangde reangkihde yung tüshe mulongkhi thsambah nangde ju thsakhama labah.

1 SAMUEL 18:17

Judüki Saulnü David ki tha, “ Ha ching I tsührü adüjibe Merab lah; inü api nü kilim yamkhünbe thsüpü jihbah; I thsungkheaknü mulong ato thsang tüsho Atungpuh thirithsü ching keochihang.” Tümüde Saulnü lüm, “Inü api azhihde khah muchung; Filistiarünü ju rhimoshang.”

1 SAMUEL 25:27

Tüsho kheakü nü yamlaberünü I tungpuh kilim hande arükhi thsambah ha I tungpuh yande arürü athrününgtsüngbo kilim jihang.

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.

1 SAMUEL 30:20

Davidnü api mihnu le moshi botobo she yankhiloa lu; amihtsürübonü akam-shiwühbo alala arü müngüh kitde tsah tüsho tha, “ Ha Davidnü ayankhikhi ah!”

1 SAMUEL 30:25

Ju nimungnü apinü Israel thsungkheak yakzan tüsho thiyuzüng thsü; ha khihni khiungde lah.