1 SAMUEL 30:12 - AMÜSÜH HÜM CL Bible (BSI)

¹² kheaküshe arünü api kilim khubaso yikhap khülang tüsho amukuhkhi kurungaso düchi mahne jih. Küyimki apinü atsühkhea, api sühmüh düküngde kam; tümüde api nimung mahsam tüsho tsüngre mahsam yikhap mütsüh yungsho ke muyungde alakheah.

1 SAMUEL 30:12 Iomraidhean Croise

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

TÜZHOKHI 1:11

Anihbe mihtsürü alala yikhap yimde ashechoh; arünü tsühyungpü thsungkheak arü rahpungbo arü sühmüh dükünglopü yinzüyindochoh. Kheahang, O Atungpuh , tüsho I küdükhüh bahyuka lanü lümakheahang.

JONA 1:17

Tüshe Atungpuhnü Jona muyushihpü thüngüh ato khülang thsakham; tüsho Jona ju thüngüh buk ching nimung mahsam tüsho tsüngre mahsam lakheah.

MATHI 27:63

tüsho tha, “Atobuh, api arhang lachoki, mülapmüjibuhnü athakhi isanü lümkhitchoh, ‘Nimung mahsam dunglim I asürübah.’

MAHKHAPRÜ 15:19

Jumonü Thrünpuhnü Lehi ching alokhün yahshungjih, tüsho ju chingnü ke akhiukbah apinü yung; tüsho api sühmüh arülobah düküngde kam. Jumonü apinü ju ki En Hakkore de ji, ju Lehi ching khihni khiungde lah.

1 SAMUEL 14:27

Tüshe Jonathannü abuhnü thirithsürü kheak thiyuchihchimde athakhi muso; jumonü apinü akhah ching zhimkhi tso mulo mukhukerüp ching athso, tüsho mukhuke ju tsüh; tüsho amükjibo rhüngrhüngde kam.

1 SAMUEL 30:11

Arünü thulu ching Ijiprü ngü, tüsho api David kilim bede arü. Arünü api kilim yikhap jih tüsho apinü tsüh, arünü api kilim ayungpü ke jih;

1 SAMUEL 30:13

Judüki Davidnü api ki tha, “Nü putungrü she a? Nü küchingnü a le?” Apinü tha, “I Amalek azhorü, Ijip athrününgtsüng khülang ah. I putungrünü I binloshih tümütüsho ha nimung mahsam müngüh I tukthsüde alakheah.