1 SAMUEL 3:3 - AMÜSÜH HÜM CL Bible (BSI)

³ Thrünpuh tsünpung mümütyide alakheah, tüsho Samuel ju Thrünpuh sangdan zopung Atungpuh arüngyam ching yapa lakheah.

1 SAMUEL 3:3 Iomraidhean Croise

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 29:9

Atungpuh düsheaknü thülamsangbo niukchoh, sangdungbo kheaknü sangyübo adankhichoh; tüsho api arüngyam ching alalanü zhichoh, “Müretahkhi!”

MUNGSHIKHÜN 5:7

Tüshe nü muzho ato hode I nü yam ching yüzahbah; nü wüntrekhi chingnü inü nü amüsüh arüngyam ching kingaünbah.

ABEKHIT 25:31

“Nüsanü suna müthsünnü kingde tsünpung dubopung thsang. Adung, adüthrün, pungbo, züt thsükhibo tüsho sangbünbo bümkhüh lang thsang.

1 SAMUEL 1:6

Anihbe azhihbenü amulong zhipzhipshihpü müneah, tümütüsho Atungpuhnü alibe nuyam yihdoabahjih.

1 SAMUEL 1:9

Shilo ching arü tsühyungabahshu, Hannanü Atungpuh miki asürü zhip. Kheakü amükeambuh Eli Atungpuh arüngyam khimdopü dungjing miki binkiu kheak bina lakheah.