1 SAMUEL 3:19 - AMÜSÜH HÜM CL Bible (BSI)

¹⁹ Samuel zode akamchoki, Atungpuh api lung lakheah tüsho api yu tümü lang she alo kheak mayokhishih.

1 SAMUEL 3:19 Iomraidhean Croise

THRÜNTAN 21:22

Ju kim ching Abimelek tüsho api bonungrü limthobuh Phikol anenü Abraham ki tha, “Nünü arhimokhi lüpdükhi ching Thrünpuh nü lung lah.

THRÜNTAN 28:15

Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

THRÜNTAN 39:2

Josep lung Atungpuh lakheah, tüsho api akuk ngürü mihtsürü lakheah; tüsho api ju anihbuh putungrü Ijiprü yam ching lakheah.

THRÜNTAN 39:3

Api lung Atungpuh lakhi anihbuh putungrünü ngü tüsho api khah rhimo alala Atungpuhnü akuk ngüshih.

1 KIULONG THSÜRÜ 8:56

“Apinü alokhikhi nangde api mihtsürü Israel kilim sühakhim jihbuh Atungpuh shiang; apinü ayamlarü Mosa hode alokhikhi atsü thiyu khülang she mülakphah.

2 KIULONG THSÜRÜ 10:10

Dale mükheahang, Atungpuhnü Ahab yamkhün dünkheak asukkhi yu tümü she alo ching mayokhi; tümüde apinü tümü ayamlarü Elija hode athakheanü Atungpuhnü rhimodo.”

2 KIULONG THSÜRÜ 15:12

Ha Atungpuhnü Jehu kilim alokhikhi lakheah, “Lün phüyipü khiungde nü tsührübonü Israel kiulongthsübinkiu kheak binbah.” Tüsho jude dünji.

2 KIULONG THSÜRÜ 22:16

Atungpuhnü ha thachoh, Juda kiulongthsüpuhnü akhekhi hüm yubo yande, atsütsü ha dangpung tüsho mihtsürübo kheak inü thsümütsü handarübah.

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

ISAIA 55:11

junangde I mün ching I yu wukhiukbah; I kilim akeangkeang malodarü tüshe I lümkhi akuk ngübah, tüsho inü thiyikhi ching kukzambah.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

LUKNÜ ATHRÜTKHI THIYUSHEAK-ATSÜ HUHTANYU 1:28

Yunirünü arübah alibe ki tha, “Nü lung mungtsü laang! Atungpuh nü lung lah tüsho nü tode müngühjihdo!”

LUKNÜ ATHRÜTKHI THIYUSHEAK-ATSÜ HUHTANYU 1:80

Azübuh ju zode arü tüsho me ching düküngde kam; api Israel boto miki muhuhyi khiungde sunglo ching lakheah.

LUKNÜ ATHRÜTKHI THIYUSHEAK-ATSÜ HUHTANYU 2:40

Tüsho khungarü ju zode sühmüh lade, lümlungnü mide kam; tüsho Thrünpuh mihmüthsüm api kheak lakheah.

LUKNÜ ATHRÜTKHI THIYUSHEAK-ATSÜ HUHTANYU 2:52

Tüsho Jisu ju lümlung ching tüsho trungdung, Thrünpuh tüsho mihtsürü amuzho ngükhi ching zokihde yü.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

2 KORINT 13:14

Atungpuh Jisu Khrista amüthsüm, Thrünpuh amuzho tüsho Amüsüh Me arihako nüsa alala lung laang.

YUZÜNGTHALO 18:22

Küyimki wukihrü khülangnü Atungpuh mung ching thabah ju müdünjibanü ju Atungpuhnü müthakhi ah; wukihbuhnü ju lümkangyu thado; nüsanü api dütre.

2 TIMOTHI 4:22

Atungpuh nü me lung lashang. Nü lung amüthsüm laang.

JIHUSUA 21:45

Atungpuhnü Israelrü ki tangzüngkhi atsübo khülang lang she mülakphah; alala dünjido.

MAHKHAPRÜ 13:24

Jumonü alibenü tsührü khülang zübe tüsho amung Samson de ji; khungarü ju zode asürü, tüsho Atungpuhnü api müngühjih.

1 SAMUEL 10:7

Kheakü küyimki harü amütsanbo nünü ashoruba, nünü tsüde angükhi thsang, tümüde Thrünpuh nü lung lah.

1 SAMUEL 12:2

Kheahang, nüsa becho ha kiulongthsüpuh ah; I shina lah tüsho ku buyiuka lah, tüshe I tsührübo nüsa lung lah: I athunu kim chingnü khihni khiungde inü nüsa bedo.

1 SAMUEL 16:18

Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”

1 SAMUEL 18:12

Saulnü David tre tümüde api lung Atungpuh lakheah tüshe Saul kheaknü a chamkhiabah.

1 SAMUEL 18:14

Davidnü arhimokhi alala ching akuk ngü; tümüde Atungpuh api lung lakheah.

1 SAMUEL 18:5

Davidnü yü tüsho kürü ching Saulnü api yüshihkheanü akuk ngü; ju ayannü Saulnü api bonungrü kurungkheak aberü kamshih. Tüsho mihtsürü alala, Saul yamlarübonü she leangkhijih.

1 SAMUEL 2:21

Tüsho Atungpuhnü Hanna müngühjih; anihbe mübünkeangde kam tüsho athrürü 3 tüsho aliberü 3 zübejih. Tüsho azübuh Samuel Atungpuh miki zode asürü.

1 SAMUEL 2:26

Kheakü azübuh Samuel ju trungdung tüsho Atungpuh le mihtsürübo mürühkhi ching zode kam.

1 SAMUEL 9:6

Tüshe azübuhnü Saul ki tha, “ Ha kiuto ching Thrünpuh mihtsürü khülang lah; api kheak wüntre kihde lachoh. Apinü tümüpürü thabanü kamruhroro dünjichoh. Kheakü ike ju ching yüanü; khükijua ike yüpü limro apinü ahuhbah.”