1 SAMUEL 3:1 - AMÜSÜH HÜM CL Bible (BSI)

¹ Kheakü azübuh Samuel Eli bukkhüp Atungpuh tankihde alakheah. Judüki Atungpuh yusheak nükde alakheah; tüsho michihbo mubuyi.

1 SAMUEL 3:1 Iomraidhean Croise

MUNGSHIKHÜN 74:9

Isanü isa yo amütsanbo müngü; kheaküa wukihrü müla; yungsho külokhüh labeanü amükheahrü isa bolung müla.

MÜCHITMUDU 29:18

Küching müchitkhi mülabanü mihtsürü dungmihchoh, tüshe shepünü yakzan zochonü müngühmühi.

ISAIA 13:12

Inü mihtsürübo ju atsüdak suna kheaknü alü nükde akamshihbah, tüsho Ophir suna kheaknü nükde akamshihbah.

EZEKIEL 7:26

Thsümütsünü thsümütsü kheak yankihbah, tüsho alanajinü alanaji labah. Arünü wukihrü kheaknü michih ngüpü mürangbah; amükeamrünü yakzan thsangyukhi, azothsürübonü lümthiyan jihpü dükheakbah.

1 SAMUEL 2:11

Judüki Elkananü Rama ching thüyam lim yü, tüshe azübuh a amükeambuh Eli miki Atungpuh tankih.

1 SAMUEL 2:18

Azübuh Samuelnü khim zhingzhing yihbah Atungpuh miki tankihde alakheah.

1 SAMUEL 2:35

Inü I thsungkheak athülünkhi amükeamrü khülang mokhitbah, apinü I mulong ching tüsho I lümkhi ching lakhi yande arhimobah. Inü api kilim amütsankhi thüyam thsüjihbah, tüsho apinü lünnü inü amüsühkhitkhi miki tsahbah.

1 SAMUEL 2:36

Nü yamkhün ching aninga larübonü shotoyinchi kheam yungsho yikhap kheangde api ki mushude arübah, tüsho athabah, Muzhobah amükeamrü rhimo ching I yüzahshang, junangde inü yikhapkheam tsühanü.’ ”

1 SAMUEL 3:15

Samuelnü ju ching yapsu khiungde yap; jushu apinü A TUN GPU H yam ripit khimshuh. Samuelnü Eli ki michih thapü tre.

1 SAMUEL 3:21

Mutuklode Atungpuh Shilo ching akhiuka huh, tüsho Atungpuh yu hode Samuel ki api akhiuka huh.