1 SAMUEL 29:8 - AMÜSÜH HÜM CL Bible (BSI)

⁸ Davidnü Akish ki tha, “Inü tümü thsüa la? Tüsho inü I tungpuh kiulongthsüpuh riri bede keochihpü müyüpü thsüde, I nü tankihpü azahkhi nü yamlarü kheak tümü kheahkhita la?”

1 SAMUEL 29:8 Iomraidhean Croise

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”

1 SAMUEL 17:29

Davidnü tha, “Inü tümü thsüa la? I akeokhi she mükeokhishihbea de?”

1 SAMUEL 20:8

Jumonü nü yamlarü ki muzhode rhimoang, tümüde nünü nü yamlarü amüsüh tangzüngkhi ching nü lung bedarüdo. Tüshe I kheak amülim lasho, nünü I laksahang; tümü thsüpü nünü I nü buh ki bede ayüpü?”

1 SAMUEL 26:18

Tüsho apinü thalo, “ Tümü thsükhi I tungpuhnü api yamlarü müshamcho? Inü tümü rhimoa la? I kheak tümü amülim la?

1 SAMUEL 27:10

Judüki Akishnü keokhi, “ Khihni nü she azhihde thirithsükhea?” Davidnü alo, “ Judarü Negeb azhihde,” yungsho “ Jerameelrü Negeb azhihde,” yungsho, “ Kenrü Negeb azhihde.”

1 SAMUEL 28:2

Davidnü Akish ki tha, “ Khide tsülah, nü yamlarünü tümü thsükhukbanü nünü amükheahbah.” Akishnü David ki tha, “ Khide tsülah, rhangdung amuyung thsungkheak nü I aheangrü kamshihbah.”

1 SAMUEL 29:7

Jumonü kheakü rholoang; tüsho mungtsü chingnü yüang; Filistia kiulongthsürübo masühbe tümü düthsü.”