1 SAMUEL 29:6 - AMÜSÜH HÜM CL Bible (BSI)

⁶ Judüki Akishnü David ji tüsho api ki tha, “Nünü I kheak thiyuro lado de Atungpuh mung tamde thiyuchihchimchoh, tüsho inü alungki lümkhia, nü I lung thirithsü ching labeah; tümüde nü I kilim arükhi nimungnü khihni khiungde inü nü kheak tümü amülim müngü. Judüalalashe püpü kiulongthsürübonü a nü ju mükheyuk.

1 SAMUEL 29:6 Iomraidhean Croise

THRÜNTAN 16:6

Jumonü Abramnü Sarai ki tha, “Nü yamlabe nü khah ching lah; nü tsükhinü alibe ki rhimoang.” Küyimki Sarainü anihbe ki mükihmürade arhimokheanü, amikinü alibe tsoabah.

2 SAMUEL 3:25

Ner tsührü Abner nü mülapyukpü tüsho nü yüla arüla dükhi tüsho nü rhimokhi alala ngükhitpü arükheah de nünü mükheahlah.”

2 KIULONG THSÜRÜ 19:27

Tüshe nü lapung, nü wukhiukkhi tüsho azahkhi, tüsho nü bukakhiukde I azhihkhi inü mükheahlah.

MUNGSHIKHÜN 121:8

Atungpuhnü ha kimnü ründe tüsho lünnü nü wukhiukkhi tüsho azahkhi kümbah.

ISAIA 37:28

“ Inü nü asürükhi tüsho nü binkhi, nü wukhiukkhi tüsho yüzahkhi, tüsho I azhihde bukakhiukkhi mükheahlah.

ISAIA 65:16

Judüki sherünü lomi ching müngühmühi kheangbanü thiyuro Thrünpuhnü müngühjihbah, tüsho sherünü lomi ching thiyuchihchimbanü thiyuro Thrünpuh damde thiyuchihchimbah; tümütüsho akhuhlim küpkhuk mihdo tüsho I mük kinü rama lah.

JEREMIA 12:16

Tüsho arünü I mihtsürü limrobo düshihde amükheahbah, I mung tamde thiyuchihchimbah, “Atungpuh lale,” arünü khülang ki Baal tamde thiyuchihchimpü I mihtsürü ki thsangyua lalashe, arübo I mihtsürü bolung laabahbah.

WÜHKHE 27:17

arü müngüh wukhiukla azahla de, tüsho bekhitla beyukla de thsüshang; junangde Atungpuh mihtsürübo ju namfimihnu aneakrü mülakhi nangde mülabah.”

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

JIHUSUA 22:30

Küyimki amükeambuh Phinehas tüsho boto limthorübo, Israel guk ching akuthsürübo api miki zhiprünü Reuben, Gad tüsho aniakhiuklim Manase trükbonü athakhi sokhea, arübo reangkeam.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.

1 SAMUEL 20:3

Tüshe Davidnü she thiyuchihchimde tha, “Nünü I muzholah de nü buhnü tsüde mükheahlah; tüsho ha Jonathannü dümükheahshih jude yungsho api mulong rozhakbah de apinü lümchoh. Tüshe tsükjide Atungpuh tüsho nü lale, I tüsho ashepü dükeak jingdükü zahlah.”

1 SAMUEL 28:10

Tüshe Saulnü alibe ki Atungpuh mung chingnü thiyuchihchim, “ Ha dünkheaknü nü kheak thsümütsü tümü marü de Atungpuh mung tamde thiyuchihchimchoh.”

1 SAMUEL 29:3

Filistia limthorübonü tha, “ Harü Ibrirü ha ching tümü thsücho?” Akishnü ulo, “ Ha Israel kiulongthsüpuh Saul yamlarü I lung kheakü nimung tüsho kam ahihdo lakhi David yung de? Apinü I kilim arüyamnü khihni khiungde api kheak amülim tümü inü müngü.”

1 SAMUEL 29:7

Jumonü kheakü rholoang; tüsho mungtsü chingnü yüang; Filistia kiulongthsürübo masühbe tümü düthsü.”

1 SAMUEL 5:8

Jumonü arünü yunithsürü thiyia yüshih tüsho Filistia kiulongthsürü phüngü bemukhung, tüsho tha, “Israel Thrünpuh sangdan ha isanü küde athsüba?” Gath ching larübonü alo, “ Thrünpuh sangdan ju isa kilim arüshang.” Jumonü arünü Israel Thrünpuh sangdan Gath lim hande yüshih.