1 SAMUEL 29:3 - AMÜSÜH HÜM CL Bible (BSI)

³ Filistia limthorübonü tha, “ Harü Ibrirü ha ching tümü thsücho?” Akishnü ulo, “ Ha Israel kiulongthsüpuh Saul yamlarü I lung kheakü nimung tüsho kam ahihdo lakhi David yung de? Apinü I kilim arüyamnü khihni khiungde api kheak amülim tümü inü müngü.”

1 SAMUEL 29:3 Iomraidhean Croise

THRÜNTAN 14:13

Tüshe atsokhitkhi mihtsürü khülangnü, Amorrü Mamre arüngako sangdungbo thüninde alakhi Ibrirü Abram ki thiyusheak alala jih. Mamre le akeoniorübo Eshkol tüsho Aner ju Abram müshiprü lakheah.

1 KIUTHSÜYUKHEAN 12:19

Davidnü Saul bede keochihpü Filistiarü bebah ayüchoki Manaserü khürü api kilim arü. (Tütüshe apinü Filistiarü murung, tümüde arü yakzanshuhrübonü keokhikeora tüsho api thiyia tsoshihde tha, “Isa ku kheamshihpü apinü api putungrü Saul kilim tsoabahbah.”)

1 KIUTHSÜYUKHEAN 12:20

Api Ziklag lim yüchoki, harü Manaserünü api lung arü: Adna, Jozabad, Jediael, Maikel, Jozabad, Elihu, tüsho Zillethai, Manase ching chithürü kurung wühkenorübo.

DANIEL 6:5

Harü mihtsürübonü tha, “Api Thrünpuh kinkhi kheak khüh yungsho, isanü ha Daniel kheak azhihde tümü müyimkhitkhuk.”

JOHAN 19:6

Jumonü küyimki amükeam putungrü tüsho atorübonü api ngükhea, arünü zhide tha, “Api yümkihang, api yümkihang!” Pilatnü arü ki tha, “Nüsanü api lubah yümkihang, tümüde inü api kheak amülim tümü müyimkhit.”

ROMRÜ KILIM PAULNÜ ATHRÜTKHI KIHÜM HUHTANYU 12:17

She ki she amütsü dün amütsü düjihlo, tüshe alala miki tümü atsüanü lümang.

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.

1 SAMUEL 14:11

Jumonü ane chidonü Filistiarü thiriri boto ki ane huh; tüsho Filistiarünü tha, “ Kheahang, Ibrirübo arü jikpung alokhün chingnü akhiukchoh.”

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.

1 SAMUEL 27:1

Davidnü amulong chingnü tha, “ Kheakü nimung khülang ching I Saul khah hode ku kheambah; I thsungkheaknü Filistiarü lomi ching tsokhide ayüpü kheaknü tümü atsüdakbe müla; jushu Israel lomi ching Saulnü I yimkhi chingnü atuklobah, tüsho I api khah chingnü atsokhibah.”

1 SAMUEL 27:7

Filistiarü lomi ching David kam chi khülang kheak khinu phüyi lakheah.

1 SAMUEL 29:6

Judüki Akishnü David ji tüsho api ki tha, “Nünü I kheak thiyuro lado de Atungpuh mung tamde thiyuchihchimchoh, tüsho inü alungki lümkhia, nü I lung thirithsü ching labeah; tümüde nü I kilim arükhi nimungnü khihni khiungde inü nü kheak tümü amülim müngü. Judüalalashe püpü kiulongthsürübonü a nü ju mükheyuk.

1 SAMUEL 4:6

Küyimki Filistiarünü ahokhi düsheak sokhea, arünü tha, “Ibrirü binkheampung ching tode ahokhi ha amütsan tümü a?” Küyimki Atungpuh tangzüng sangdan binkheampung ching arüdo de arünü amükheahkhea,