1 SAMUEL 28:8 - AMÜSÜH HÜM CL Bible (BSI)

⁸ Jumonü Saulnü aphü müthriabahbah khimmih püpü yuk tüsho api lung mihtsürü mahne bebah ju ching yü. Arünü azhing ching alibe kilim arü. Tüsho apinü tha, “I thsungkheaknü me ki keoang, tüsho inü nü ki thakhi mung I thsungkheaknü bebah atung.”

1 SAMUEL 28:8 Iomraidhean Croise

1 KIULONG THSÜRÜ 22:30

Israel kiulongthsüpuhnü Jehoshaphat ki tha, “Inü I jak müthribah keochihpung yübah, tüshe nü a shulünkhim phuyuang.” Jumonü Israel kiulongthsüpuhnü ajak müthri tüsho keochihpung yü.

1 KIULONG THSÜRÜ 22:34

Tüshe mihtsürü khürünü nihbuh sanglüh hünkih tüsho mümükheahshihde Israel kiulongthsüpuh zülu le treangkhümbe dükeak kipyukjih; jumonü apinü anihbuh khoralolungbe bebuh ki tha, “Mükamloang tüsho I keochihpung chingnü bekhitang, tümüde I yurido.”

1 KIUTHSÜYUKHEAN 10:13

Junangde api thiyuro mülakhi dünkheaknü Saul sheabah; apinü Atungpuh yukhüm mani, ju lang yung, apinü mesherü ki limbeshihpü keokhi,

2 KIUTHSÜYUKHEAN 18:29

Israel kiulongthsüpuhnü Jehoshaphat ki tha, “Inü I jak müthribah tüsho keochih ching yübah, tüshe nü a nü yo shulünkhimbo phuyuang.” Jumonü Israel kiulongthsüpuh ajak müthri, tüsho arü keochih ching yü.

2 KIUTHSÜYUKHEAN 35:22

Tüshe Josianü api kheaknü rholode mutso tüshe api bede keochihpü anihbuh jak müthria lu. Apinü Thrünpuh yukhüm Neko yubo mani, tüshe Megiddo dükhün ching thirithsüpü arü.

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

EZEKIEL 12:6

Arünü kheahde lachoki jurübo nü dubuh kheak yihkihang tüsho shuhyini ching hankhitang. Nü miro lüpdoang, junangde nünü alomi müngükhuk, tümüde inü Israel yamkhün ki nü amütsan khülang thsüjihdo.

JOHAN 3:19

Tüsho abahyukkhi ha lakhi ju, alomiküp ching ayin arü tüsho mihtsürübonü ayin kheaknü amiting muzho tümütüsho arü rhimobo amütsü lakheah.