1 SAMUEL 28:7 - AMÜSÜH HÜM CL Bible (BSI)

⁷ Judüki Saulnü api yamlarübo ki tha, “I thsungkheaknü aliberü mesherü khülang yimkhitjang, junangde inü alibe ki yübah keokhianü.” Api yamlarübonü tha, “Endor ching mesherü khülang lah.”

1 SAMUEL 28:7 Iomraidhean Croise

2 KIULONG THSÜRÜ 6:33

Apinü arü ki thade alachoki kiulongthsüpuhnü api ki akibah tha, “Ha küpkhuk Atungpuh kilimnü ah! Kheaküa tümü thsüpü inü Atungpuh kheak mulonglampü?”

1 KIUTHSÜYUKHEAN 10:13

Junangde api thiyuro mülakhi dünkheaknü Saul sheabah; apinü Atungpuh yukhüm mani, ju lang yung, apinü mesherü ki limbeshihpü keokhi,

MUNGSHIKHÜN 83:10

Sherü Endor ching dükheak tüsho alo kheak sünit mujung nangde kam.

ISAIA 19:3

arü bolung Ijiprü me mülade akambah, tüsho inü arü lümkhibo akeangkeang kamshihbah; arünü sangthsübo tüsho ashekhi mebo tüsho mesherü le mebo ki keokhibah;

LEVI 19:31

Mesherü tüsho judürü mebo kilim düyü; arünü nüsa müneanshihpü arü düyim: I Atungpuh ah.

HABAKKUK 2:3

Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

YUNIRÜBO RHIMO 16:16

Isa tamkhüntamnü dangpung lim yüde alachoki, menü müchitde aputungrü khide alü thsüshihde alakhi azhorü liberü khülangnü isa shoru.

YUZÜNGTHALO 18:11

rükyu tharü, mesherü, me asukachihrü yungsho asherü jirü mülabeah.

JIHUSUA 17:11

Issakar tüsho Asher ching Manase yo ju Beth-shan tüsho ju kiulongbo, Ibleam tüsho ju kiulongbo, Dor ching larü tüsho ju kiulongbo, awung lomi mahsam–Endor ching larü tüsho ju kiulongbo, Taanak ching larü tüsho ju kiulongbo, tüsho Megiddo ching larü tüsho ju kiulongbo.

1 SAMUEL 28:3

Kheakü Samuel sheabah, tüsho Israel alalanü api thsungkheak tüzho tüsho anihbuh kiuto Rama ching kiuyukabah. Saulnü mesherü tüsho kuhi-kheahrübo lomi chingnü yankhitabah.