1 SAMUEL 28:18 - AMÜSÜH HÜM CL Bible (BSI)

¹⁸ Tümütüsho nünü Atungpuh yu mani, tüsho api bukakhiukkhi Amalek azhihde mürhimo, jumonü Atungpuhnü khihni ha nü ki rhimokheah.

1 SAMUEL 28:18 Iomraidhean Croise

1 KIULONG THSÜRÜ 20:42

Judüki apinü anihbuh ki tha, “Atungpuhnü ha thachoh, ‘ Tümütüsho inü athsümünimpü lakhi mihtsürü nünü tsoshihdo, jumonü nü rhangdung ju api rhangdung dün labah, tüsho nü mihtsürü ju api mihtsürü dün labah.’”

1 KIUTHSÜYUKHEAN 10:13

Junangde api thiyuro mülakhi dünkheaknü Saul sheabah; apinü Atungpuh yukhüm mani, ju lang yung, apinü mesherü ki limbeshihpü keokhi,

JEREMIA 48:10

Shepünü Atungpuh rhimo ching sühdukchonü muthrumünean; tüsho shepünü thiyih bukpü chingnü nukshang tuklochonü muthrumünean.

1 SAMUEL 13:9

Jumonü Saulnü tha, “ Taka kingaünkhi tüsho mungtsü kingaün ha ching I ki hande arang.” Tüsho apinü taka kingaün.

1 SAMUEL 15:20

Saulnü Samuel ki tha, “Inü Atungpuh yu anido, inü Atungpuhnü athiyikhi rhimo ching yüdo, inü Amalek kiulongthsüpuh Agag hande arüdo, tüsho Amalekrü alala laksahkhamdo.

1 SAMUEL 15:28

Tüsho Samuelnü api ki tha, “ Ha nimungnü Atungpuhnü Israel kiulongthsü nü kheaknü rukrüpdo, tüsho ju nü kheaknü atsübe, nü yamhingrü kilim jihabahdo.

1 SAMUEL 15:9

Saul tüsho mihtsürübonü Agag aningshih, tüsho namfimihnu le moshibo, tüsho moshi nunu le namfimihnunu atsüdakbo mülaksah, tüsho tümükhüh atsübo müthsümünim; yihnüpü mülakhi yungsho athülih-kukrukbo arünü shahde thsümünim.