1 SAMUEL 28:15 - AMÜSÜH HÜM CL Bible (BSI)

¹⁵ Judüki Samuelnü Saul ki tha, “ Tümü thsükhi nünü I küpkhuk jihde bede atukhea?” Saulnü alo, “I lümthsünü ato ching lah, tümüde Filistiarünü I bede keochihchoh, tüsho Thrünpuhnü I kheaknü tsoabahbah wukihrü yungsho milim müchitrü hodü she I ki malojih; jumonü inü tümü rhimobeanü ju thashihpü nü jikheah.”

1 SAMUEL 28:15 Iomraidhean Croise

MUNGSHIKHÜN 51:11

Nü mikinü I yana dütsoshih, tüsho I kheaknü me amüsüh lude dütsojih.

MÜCHITMUDU 14:14

Mihtsürü amütsü ju arü thülünkhi ngübah, tüsho mihtsürü atsü a arü rhimobo dün thsambah ngübah.

HOSEA 9:12

Arünü tsührübo mütrümususu she, sheshe maningyi khiungde inü arü tüzhoshihbah. I arü kheaknü chamachihchoki atsütsü arü are!

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MAHKHAPRÜ 16:20

Tüsho alibenü tha, “Samson! Filistiarü arüchoh.” Jumonü apinü ayapkhi chingnü asürü, tüsho tha, “Püpüki nangde inü awukhiukbah tüsho zuzu thsüde aphapbah!” Tüshe Atungpuh api kheaknü chamachihdo de apinü mümükheah.

1 SAMUEL 18:12

Saulnü David tre tümüde api lung Atungpuh lakheah tüshe Saul kheaknü a chamkhiabah.

1 SAMUEL 23:2

Davidnü Atungpuh ki keokhi, “Inü yübah harü Filistiarü yanba shi?” Atungpuhnü David ki tha, “Yübah Filistiarü yanang tüsho Keilah khümkhitang.”

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”

1 SAMUEL 28:11

Jushu alibenü tha, “Inü shepü nü ki bede atuba?” Apinü alo, “I thsungkheaknü Samuel bede atung.”

1 SAMUEL 28:16

Samuelnü tha, “Dale tümü thsükhi nünü I ki keokhicho, tümüde Atungpuh nü kheaknü tsoabahdo tüsho nü riri kamdo?

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.

1 SAMUEL 28:8

Jumonü Saulnü aphü müthriabahbah khimmih püpü yuk tüsho api lung mihtsürü mahne bebah ju ching yü. Arünü azhing ching alibe kilim arü. Tüsho apinü tha, “I thsungkheaknü me ki keoang, tüsho inü nü ki thakhi mung I thsungkheaknü bebah atung.”

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.