1 SAMUEL 27:12 - AMÜSÜH HÜM CL Bible (BSI)

¹² Akishnü hade lümde David kheak akin la, “ Apinü azangrü nihbuh mihtsürü Israelnü thraneanabahshihdo; jumonü api kamruhroro I yamlarü thsübah.”

1 SAMUEL 27:12 Iomraidhean Croise

THRÜNTAN 34:30

Judüki Jakobnü Simeon le Levi ki tha, “Nükenü lomi ching larü Kananrü le Perizrü bolung I athraneanbe kamshihde I kheak küpkhuk hande arüdo; tümütüsho I wühkhe nüklah, arünü rukhüh mukhungbah I azhihbah tüsho I laksahbah.”

2 SAMUEL 10:6

Küyimki Amonrünü arübo David riri kamdo de amükheahkhitkhea, Amonrünü thiyia yüshih tüsho Beth-rehob tüsho Zoba ching Siriarü, jingtsahrü bonungrü 20,000, tüsho Maaka kiulongthsüpuh mihtsürü 1000, tüsho Tob mihtsürübo 12,000 muloa bebah arü.

ABEKHIT 5:21

Tüsho arünü ane ki tha, “Nükenü Pharao tüsho api torübo khah ching nukshang zhimshihbah isa laksahshihpü thsüde arünü isa thraneanshihkhi hode Atungpuhnü nüke kheak kheahshang tüsho mahkhapshang.”

1 SAMUEL 13:4

Küyimki Saulnü Filistia thirithsürü binpung yankhitdo tüsho Filistiarünü Israel kheak mükihde kamdo de Israel alalanü asokhea, mihtsürübo Saul lung bepü Gilgal ching jimukhung.

1 SAMUEL 27:11

Davidnü Gath lim thiyusheak hanlode arüpü thsüde athrürü yungsho aliberü sheshe maningshih, tümüde apinü hade lüm, “ Arünü isa dünkheak thabah tüsho Davidnü ha ruk rhimodo.” Filistia lomi ching lachoki amuyung api rhimo ha ruk lakheah.

1 SAMUEL 28:1

Judüki nimungbo ching Israel bede keochihpü Filistiarü bonungrü mukhungde alakheah. Akishnü David ki tha, “Nü tüsho nü mihtsürübo I yo bonungrü lung bebah de nünü mükheahlah.”