1 SAMUEL 27:1 - AMÜSÜH HÜM CL Bible (BSI)

¹ Davidnü amulong chingnü tha, “ Kheakü nimung khülang ching I Saul khah hode ku kheambah; I thsungkheaknü Filistiarü lomi ching tsokhide ayüpü kheaknü tümü atsüdakbe müla; jushu Israel lomi ching Saulnü I yimkhi chingnü atuklobah, tüsho I api khah chingnü atsokhibah.”

1 SAMUEL 27:1 Iomraidhean Croise

1 KIULONG THSÜRÜ 12:26

Judüki Jeroboamnü nihbuh zangrü lüm, “ Kheakü kiulongthsü David guk ching yülopü labah.

1 KIULONG THSÜRÜ 12:28

Jumonü kiulongthsüpuhnü lümkhi lu tüsho suna moshi nunu mahne thsü. Apinü mihtsürübo ki tha, “Nüsa Jirusalem lim khide shude wutudo. O Israel, nüsa Ijip lo chingnü bekhitkhi nüsa thrünpuhbo ha kheak lah.”

1 KIULONG THSÜRÜ 19:3

Judüki api trede alakheah; apinü asürü tüsho api rhangdung thsungkheak alihde tso, tüsho Juda ching Beersheba lim arü; apinü ayamlarü ju ching zojih.

2 KIUTHSÜYUKHEAN 25:17

Judüki Juda kiulongthsüpuh Amazianü keokhikeora tüsho Israelrü Jehu tsührü Jehoahaz tsührü kiulongthsüpuh Joash kilim thiyusheak yüshih, “Arang, thirithsü ching isa mironü miro shoruachihanü.”

MUNGSHIKHÜN 116:11

Inü niokheamde tha, “Mihtsürü alala akeangyu tharü ah.”

MUNGSHIKHÜN 55:7

atsütsü, limshude rümde ayübah, inü sunglo ching labah,

ABEKHIT 14:12

Isanü Ijip ching ha yu nü ki thakhi yung de, ‘Isa zangrü zojang, junangde isanü Ijiprü tankihbah?’ Tümüde isa sunglo ching shepü düna Ijiprü tankihkhi atsübe ah.”

MÜCHITMUDU 13:12

Mulonglam atrütkhinü tukthsüde kamchoh, tüshe küyimki alunekhi dünjibanü, ha rhangdung sangdung ah.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

WÜHKHE 14:3

Tümüde Atungpuhnü isa ha lo ching nukshangnü asheshihpü bede yücho le? Isa niuberü tüsho isa tsührübo laksahkhambah; isa Ijip lim alode ayükhipü atsübe thsüba shi?”

MATHI 14:31

Jisunü nahde khah chunga yüshihbah api tholo, tüsho api ki tha, “O nü akin ninikhi, tümüde nü dukiuhlokhea?”

MARK 4:40

Tüshe apinü arü ki tha, “Tümüde nüsa khide trecho le? Kheakü khiungde nüsa akin müla de?”

2 KORINT 7:5

Tümütüsho küyimki isa Macedonia ching arükhea, isa pang sühakhim müla, lüpdükhi lim küpkhuk lakheah. Wungdo rukachih, alunglim atrebe lakheah.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 20:3

Tüshe Davidnü she thiyuchihchimde tha, “Nünü I muzholah de nü buhnü tsüde mükheahlah; tüsho ha Jonathannü dümükheahshih jude yungsho api mulong rozhakbah de apinü lümchoh. Tüshe tsükjide Atungpuh tüsho nü lale, I tüsho ashepü dükeak jingdükü zahlah.”

1 SAMUEL 22:5

Judüki wukihrü Gadnü David ki tha, “Lungkhün ching dübin; tsoang, tüsho Juda lomi ching yüang.” Jumonü Davidnü bahbah Hereth murung ching yü.

1 SAMUEL 23:17

Apinü anihbuh ki tha, “Dütre; tümüde I buh Saul khah nü kheak müjipkih; nü Israel kurungkheak kiulongthsürü thsübah, tüsho I ju nü khinbuh labah; ha I buh Saulnü she mükheahlah.”

1 SAMUEL 25:30

Küyimki apinü nü dünkheak atsü alala thakhi, tüsho nü Israel kurungkheak kiulongthsürü thsüpü mokhitkhi yande Atungpuhnü I tungpuh kheak rhimobanü,

1 SAMUEL 26:19

Jumonü kheakü I tungpuh kiulongthsüpuhnü api yamlarü yu sojang. I kheak azhihde bukakhiukkhi ju Atungpuh hode thsüa lasho, apinü kingaün leangkhishang; tüshe ha mihtsürünü thsüa lasho, Atungpuh muthrumünean arü kheak yükihshang. Tümüde arünü khihni Atungpuh yamrüplurüp I shihcham chingnü yankhita bahde tha, ‘Yüang, püpürü thrünpuhbo tankihang.’

1 SAMUEL 29:2

Filistia kiulongthsürübo chi tüsho chithürübo bebah tsahhochoki, David tüsho api mihtsürübo a nükde Akish lung tsah.

1 SAMUEL 29:3

Filistia limthorübonü tha, “ Harü Ibrirü ha ching tümü thsücho?” Akishnü ulo, “ Ha Israel kiulongthsüpuh Saul yamlarü I lung kheakü nimung tüsho kam ahihdo lakhi David yung de? Apinü I kilim arüyamnü khihni khiungde api kheak amülim tümü inü müngü.”