1 SAMUEL 26:9 - AMÜSÜH HÜM CL Bible (BSI)

⁹ Tüshe Davidnü Abishai ki tha, “ Api düthsümünim; tümüde khürünü Atungpuhnü mujudemokhitkhi kheak azhihde khah chungbah amülim mülabea de?”

1 SAMUEL 26:9 Iomraidhean Croise

2 SAMUEL 1:14

Davidnü api ki tha, “Atungpuh mihtsürü mujude-mokhitkhi laksahpü thsüde nü khah shuhkihpü nünü mütrekhea de?”

2 SAMUEL 1:16

Davidnü api ki tha, “Nü ku kheak nü thiyih kihbah; tümüde nü münnü nü azhihde thiyumütsan jihde tha, ‘Inü Atungpuh mihtsürü mujudemokhitkhi laksahdo.’ ”

2 SAMUEL 19:22

Tüshe Davidnü tha, “Khihni nüsa I kheak azhihlorü kamkhi dünkheak nüsa Zeruia tsührübo kheak inü tümü thsüpü? Khihni Israel ching khürü sheshihba de? Tümüde khihni I Israel kurungkheak kiulongthsüpuh ah de inü mümükheah de?”

MUNGSHIKHÜN 105:15

tha, “Inü mujude-müsühkhitkhi düqiu, tüsho I yo wukihrübo dütrünthsü.”

MUNGSHIKHÜN 17:4

Püpürü nangde inü amütsü masuk; inü nü yu anido tüsho athsümünim limro müyan.

MUNGSHIKHÜN 57:1

I ki müthsümang, O Thrünpuh, I ki müthsümang! tümüde I menü nü kheak kinchoh; tüsho harü thsümütsü muhoyikia nü ghidükeang alamme küp I tsoyukbah.

MUNGSHIKHÜN 7:4

inü I müyambuh kheak amütsü rhimoa lasho yungsho amütsan mülade I riri yankhia lua lasho,

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”

1 SAMUEL 26:8

Abishainü David ki tha, “ Khihni nü riri Thrünpuhnü nü khah ching jihdo; jumonü kheakü inü api thsühnü alo kheak khülang kinü kheankihanü; inü api mahne ki mükhean.”