1 SAMUEL 26:8 - AMÜSÜH HÜM CL Bible (BSI)

⁸ Abishainü David ki tha, “ Khihni nü riri Thrünpuhnü nü khah ching jihdo; jumonü kheakü inü api thsühnü alo kheak khülang kinü kheankihanü; inü api mahne ki mükhean.”

1 SAMUEL 26:8 Iomraidhean Croise

2 SAMUEL 16:9

Judüki Zeruia tsührü Abishainü kiulongthsüpuh ki tha, “Tümüde ha ashekhi yihnunü I tungpuh kiulongthsüpuh athrupü? I yüshang tüsho api ku luanü.”

MUNGSHIKHÜN 31:8

tüsho I riri khah ching I muyukjih; nünü I jing amülih dangpung ching zojih.

JEREMIA 40:15

Judüki Karea tsührü ki ramde asuk, “Muzhobah I yüanü tüsho Nethania tsührü Ishmael laksahanü, tüsho shenü she mümükheah. Tümüde apinü nü rhangdung lushihpü, junangde nü mükamde alarü Jehudarü alala hiumüzütshihpü, tüsho aningkhi Juda dükheakshihpü?”

NAHUM 1:9

Tümüde nünü Atungpuh azhihcho? Apinü akheam thsüshihbah; azhihrü sheshe mahne kipü masürü.

ROMRÜ KILIM PAULNÜ ATHRÜTKHI KIHÜM HUHTANYU 11:32

Tümüde Thrünpuhnü mihyumanipü mihtsürü alala ram, junangde api mihmüthsüm alala kheak labah.

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?

JIHUSUA 21:44

Arü jipürü ki tangzüngkhi nangde Atungpuhnü lomi mühi alala ching mungtsü jih. Arü riri shenü lang she arü azhihde müzhipkhuk, tümüde thiriri alala Atungpuhnü Israelrü khah ching jih.

MAHKHAPRÜ 1:4

Judüki Judanü yü tüsho Atungpuhnü Kananrübo le Perizrübo arü khah ching jih, tüsho arünü Bezek ching arü 10,000 laksah.

1 SAMUEL 23:14

Davidnü awung lomi Ziph sunglo lungkhün ching bin. Saulnü animokhün api yim, tüshe Atungpuhnü api khah ching müjih.

1 SAMUEL 24:4

Mihtsürübonü api ki tha, “ Ha Atungpuhnü nü ki asukkhi nimung lah, ‘Inü nü riri nü khah ching jihbah, tüsho nü tsükhi api kheak rhimobah.’ ” Judüki Davidnü chinde yükibah Saul shulünkhim münkheam nipkhia lu.

1 SAMUEL 24:5

Ju dunglim David mulong ching qiu tümütüsho apinü Saul shulünkhim münkheam nipkhia lu.

1 SAMUEL 26:23

Atungpuhnü nihbuh thiyuro-lungki tüsho khiukde alakhi aban thsambah jihchoh; tümüde khihni Atungpuhnü nü I khah ching jih, tüshe Atungpuhnü mujude-mokhitkhi kheak azhihde inü I khah muchung.

1 SAMUEL 26:7

Jumonü David tüsho Abishai ane azhing ching bonungrü kilim yü; ju ching Saul ju binpung phulung ching aku ki thsüh shunga zobah yapa lakheah; tüsho Abner le bonungrü api mükamde yap.

1 SAMUEL 26:9

Tüshe Davidnü Abishai ki tha, “ Api düthsümünim; tümüde khürünü Atungpuhnü mujudemokhitkhi kheak azhihde khah chungbah amülim mülabea de?”