1 SAMUEL 26:6 - AMÜSÜH HÜM CL Bible (BSI)

⁶ Judüki Davidnü Hitrü Ahimelek tüsho Zeru tsührü Joab akhiung Abishai ki tha, “Binkheampung ching Saul kilim shepü I lung akiba?” Abishainü tha, “I nü lung yükibah.”

1 SAMUEL 26:6 Iomraidhean Croise

THRÜNTAN 10:15

Kanan tsührü adüjibuh Sidon, tüsho Heth;

THRÜNTAN 15:20

Hitrü, Perizrü, Repharü,

THRÜNTAN 23:3

Judüki Abrahamnü aniube shea lakhi rheang kinü wusu tüsho Hitrü ki tha,

THRÜNTAN 26:34

Küyimki Esau kam 40 azorü lakheanü, apinü niuberübo, Hitrü Beeri tsührübe Judith tüsho Hitrü Elon tsührübe Basemath lu.

2 SAMUEL 11:21

Jerubbaal tsührü Abimelek shepünü alaksahkhea? Aliberü khülangnü achanglim hizübe-lung shuh-a chipi chingnü api kheak kingbah anihbuh Thebez ching shekhi yung de? Tümüde nüsa khide chipi phünide ayükhea?’ judüki nünü athabah, ‘Nü yamlarü Uria, Hitbuh thsü she shedo.’ ”

2 SAMUEL 11:24

Judüki sanglüh shuhrünü chipi chingnü nü yamlarübo kheak hühzonü kip; kiulongthsüpuh yamlarü khürü a shedo; tüsho nü yamlarü Hitbuh Uria she sheabahdo.”

2 SAMUEL 11:6

Jumonü Davidnü Joab kilim thiyusheak yüshih, “Hitrü Uria I kilim arüshang.” Tüsho Joabnü Uria ju David kilim yüshih.

2 SAMUEL 12:9

Api miki amütsü lakhi tümüde nünü Atungpuh yu amülim kamshihkhea? Nünü Hitbuh Uria nukshangnü laksahdo; nünü aniube ju nü niube thsüpü ludo, tüsho Amonrü nukshangnü api laksahdo.

2 SAMUEL 18:5

Kiulongthsüpuhnü Joab, Abishai tüsho Ittai ki thiyukhüm jihde tha, “I dünkheak athrününgtsüngbuh Absalom ki atsükheaknü asukachihang.” Tüsho kiulongthsüpuhnü Absalom dünkheak limthorübo alala ki thiyuzüng jihkhi mihtsürü alalanü so.

2 SAMUEL 2:13

Zeruia tsührü Joab, tüsho David yamlarübo wukhiukbah arü Gibeon kekhip ching shoru. Khunung khülang kekhip thripkhüh bin, püpü khunung khülang thripkhüh bin.

2 SAMUEL 2:18

Zeruia tsührü mahsam ju, Joab, Abishai, tüsho Asahel. Kheakü Asahel ju shihmüchi nangde athride alakheah.

2 SAMUEL 23:18

Kheakü Joab akhiung Zeruia tsührü Abishai ju samrü kumung aku lakheah. Api thsühnü mihtsürü 300 bede keochih tüsho arübo laksah tüsho mahsam khin kheak mungthu kam.

2 SAMUEL 23:34

Maakathrü Ahasbai tsührü Eliphelet; Gilonrü Ahithophel tsührü Eliam;

2 SAMUEL 23:39

Hitrü Uria–alalanü 37.

1 KIULONG THSÜRÜ 10:29

Khora-lolungbe ju Ijip chingnü shotoyinchi 600 tüsho khora 150 jihbah lubah arü; junangde kiulongthsüpuh shothsümolorü hode jurübo ju Hit tüsho Siria kiulongthsürübo kilim mühah-a yüshih.

2 KIULONG THSÜRÜ 7:6

Tümüde Atungpuhnü Siria bonungrü ki khora-lolungbe, khorabo, tüsho bonungrü amuliuh düsheak soshih, junangde arünü khülangnü khülang ki tha, “Israel kiulongthsüpuhnü isa bede thirithsüpü Hit kiulongthsürübo tüsho Ijip kiulongthsürübo muloa lah.”

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.

1 SAMUEL 26:7

Jumonü David tüsho Abishai ane azhing ching bonungrü kilim yü; ju ching Saul ju binpung phulung ching aku ki thsüh shunga zobah yapa lakheah; tüsho Abner le bonungrü api mükamde yap.