1 SAMUEL 26:23 - AMÜSÜH HÜM CL Bible (BSI)

²³ Atungpuhnü nihbuh thiyuro-lungki tüsho khiukde alakhi aban thsambah jihchoh; tümüde khihni Atungpuhnü nü I khah ching jih, tüshe Atungpuhnü mujude-mokhitkhi kheak azhihde inü I khah muchung.

1 SAMUEL 26:23 Iomraidhean Croise

2 SAMUEL 22:21

I thiyuro-lungki yande Atungpuhnü I kilim thsambah jih; I khah müsühkhi yande apinü I müngühjih.

2 SAMUEL 22:25

Jumonü I thiyuro-lungki, api miki I müsühkhi yande Atungpuhnü I kilim thsambah jih.

1 KIULONG THSÜRÜ 8:32

yinmi chingnü sobah rhimoang. Amülimkhibo bahyukde tüsho anihbuhnü arhimokhi aku kheak yihkihde, nü yamlarübo kheak mahkhapang, tüsho thiyuro rhimorü kheak arü thiyuro lakhi yande thiyuro thsambah jihang.

NEHEMIA 13:14

O I Thrünpuh I lümkhitang, nü arüngyam tüsho kingaün mukhung thsungkheak inü arhimokhi alala dübahjih.

JOB HU H T ANYU 34:11

Tümüde apinü mihtsürü kuhi api rhimobo yande jihlochoh, tüsho api limrobo yande apinü api thsambah khülang ngüshihchoh.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

1 SAMUEL 24:11

Abuh, nü yo shulünkhim münkheam I khah ching ha kheahang; tümüde atsütsü inü nü yo shulünkhim münkheam nipkhia lu, tüsho nü mülaksah, ha hode I kilim amülim yungsho azhihkhi müla de nünü amükheahbah. Nünü I rhangdung lupü jima lalashe, inü nü azhihde neak müyihbeak.

1 SAMUEL 24:12

Atungpuhnü I le nü dükeak mahkhapshang! Atungpuhnü nü kheak I royimshang; tüshe I khahnü a nü kheak mazhih.

1 SAMUEL 24:18

Atungpuhnü I nü khah ching yukjihbah nünü I mülaksahde I ki atsü rhimokhi khihni nünü huhdo.

1 SAMUEL 24:19

Tümüde shepünü nihbuh riri ngübah khümkhita tsoshihdü le? Jumonü khihni nünü I ki atsü rhimokhi dünkheak Atungpuhnü nü kilim thsambah jihshang.

1 SAMUEL 26:11

Atungpuhnü mujude-mokhitkhi kheak azhihde I khah chungpü Atungpuhnü danlolah; tüshe kheakü aku ki lakhi thsüh tüsho keluh luang, tüsho ike tsoanü.”

1 SAMUEL 26:22

Davidnü alo, “O kiulongthsüpuh, ha ching thsüh lah! Nü yo athrününgtsüng khülang arüshihbah lushang.

1 SAMUEL 26:9

Tüshe Davidnü Abishai ki tha, “ Api düthsümünim; tümüde khürünü Atungpuhnü mujudemokhitkhi kheak azhihde khah chungbah amülim mülabea de?”