1 SAMUEL 26:19 - AMÜSÜH HÜM CL Bible (BSI)

¹⁹ Jumonü kheakü I tungpuh kiulongthsüpuhnü api yamlarü yu sojang. I kheak azhihde bukakhiukkhi ju Atungpuh hode thsüa lasho, apinü kingaün leangkhishang; tüshe ha mihtsürünü thsüa lasho, Atungpuh muthrumünean arü kheak yükihshang. Tümüde arünü khihni Atungpuh yamrüplurüp I shihcham chingnü yankhita bahde tha, ‘Yüang, püpürü thrünpuhbo tankihang.’

1 SAMUEL 26:19 Iomraidhean Croise

THRÜNTAN 44:18

Judüki Judanü api thüninde yü tüsho tha: “O I tungpuh, muzhobah nü yamlarünü I tungpuhnü sode thiyu khülang thashang; tümüde nü a Pharao ruk ah.

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

2 SAMUEL 14:16

Tümüde kiulongthsüpuhnü anibah, tüsho I le I tsührü chido Thrünpuh yamrüplurüp chingnü akheamshihpü thsürü khah chingnü api yamlarü bekhitbah.’

2 SAMUEL 16:10

Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

2 SAMUEL 16:11

Davidnü Abishai tüsho api yamlarübo alala ki tha, “I tsührünü I rhangdung yimchoh; ha Benjaminrünü a küdükhüh she alaba! Alangzü zojang, tüsho apinü athrushang; tümüde Atungpuhnü api ki thakheah.

2 SAMUEL 20:19

I Israel ching mungtsü tüsho thiyuro amuzho lakhi bolung khülang ah; Israel ching lakhi berü kiuto thsümünimpü nünü yimchoh; tümüde nünü Atungpuh yamrüplurüp muyuba le?”

2 SAMUEL 21:3

Davidnü Gibeonrü ki tha, “Nüsa thsungkheak inü tümü rhimoba? Nüsanü Atungpuh mihtsürü müngühjihpü thsüde inü nüsa tümünü dünthsükhijihba?”

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

1 KIULONG THSÜRÜ 22:22

Atungpuhnü api ki keokhi, ‘ Küde thsah?’ Apinü alo, ‘Inü awukhiukbah tüsho anihbuh wukihrübo mün ching akeangyu tharü me thsübah.’ Judüki Atungpuhnü tha, ‘Nünü api mulomülapbah, tüsho nünü api bephülapbah; wukhiukang tüsho ju rhimoang.’

1 KIUTHSÜYUKHEAN 21:1

Arimrinü Israel azhihde wusu, tüsho Israel mihtsürü kheshihpü David ki athsung.

MUNGSHIKHÜN 120:5

I Meshek ching lakhi are, junangde I Kedar khimyam bolung lah!

MUNGSHIKHÜN 20:4

Apinü nü mulongnü akünkhi mülüshang, tüsho nü lümkhi alala akuk ngüshang.

MÜCHITMUDU 30:10

Yamlarü khülangnü nihbuh putungrü düchikhi, jude yungsho apinü nü athruajibah tüsho ju dünkheak amülim thsübah.

ISAIA 60:5

Judüki nünü akheahbah, tüsho zhingzhingde alabah; nü mulong ajanbah tüsho asühachihbah, tümütüsho müthangmüsünkhi keto nü kheak handarübah, trükshihbo lakhit nü kilim arübah.

LEVI 26:31

Inü nüsa kiutobo akeangkeang kamshihbah tüsho amüsüh dangpungbo zhikabahshihbah, tüsho nüsanü arhümthüneabe kingaünkhi mümünimjih.

WÜHKHE 36:7

Jumonü Israelrünü yamrüplurüp trük le trük ching mümüthriachih, tümüde Israel mihtsürü abannü nihbuh bebuhrü trük yamrüplurüp zobah.

WÜHKHE 36:9

Ha ruk yamrüplurüp ju trük khülang chingnü püpü lim mümüthri, tüshe Israelrü trük abannü nihbuh yamrüplurüp zobah.”

ROMRÜ KILIM PAULNÜ ATHRÜTKHI KIHÜM HUHTANYU 14:15

Nünü atsühkhinü nü keoniorü yurisho, kheaküa nü amuzho ching mütsahchoh. Nünü atsühkhi junü shepü dünkheak Khrista shekheanü api düyurishih.

GALATIA 5:12

Nüsa kipathsük jihrü ju inü a khapthumunga bahshihnelah.

YUZÜNGTHALO 13:3

nüsanü wukihrü yungsho milim müchitrü ki dani, tümüde atsütsü nüsanü Atungpuh nüsa Thrünpuh mulong alalanü tüsho me alalanü muzhola shi yungnü ju mükheahpü Atungpuh nüsa Thrünpuhnü nüsa rükakichoh.

2 TIMOTHI 4:14

Shoto-yingkingrü Alexandernü I ki tode yuride rhimodo; api rhimobo dünkheak Atungpuhnü ajihlobah.

1 SAMUEL 18:10

Ashidopü amünean me Thrünpuh kilimnü Saul kheak arü tüsho api yam ching abünrü nangde thazüthado, judüki David a nimung aban khungkhi nangde bingkhung ju khung. Saul a akhah ching thsüh zhima lakheah;

1 SAMUEL 24:9

Davidnü Saul ki tha, “ Tümü thsükhi Davidnü nü thsümünimpü yimchoh de atharü yu anicho?

1 SAMUEL 25:24

Alibenü ajing kheak khukning tüsho tha, “I tungpuh, I kheak lang amülim lashang; muzhobah nü yamlaberünü nü nükhün ching asukshang, tüsho nü yamlaberü yubo sojang.

1 SAMUEL 27:1

Davidnü amulong chingnü tha, “ Kheakü nimung khülang ching I Saul khah hode ku kheambah; I thsungkheaknü Filistiarü lomi ching tsokhide ayüpü kheaknü tümü atsüdakbe müla; jushu Israel lomi ching Saulnü I yimkhi chingnü atuklobah, tüsho I api khah chingnü atsokhibah.”