1 SAMUEL 25:41 - AMÜSÜH HÜM CL Bible (BSI)

⁴¹ Alibenü asürü tüsho amiro alo lim mükhümbah khukning, tüsho tha, “Nüsa yamlaberü a I tungpuh yamlarübo jing müsühpü azhorü ah.”

1 SAMUEL 25:41 Iomraidhean Croise

THRÜNTAN 18:4

Muzhobah ke anikhüh lude arübah nü jing müsühshang, tüsho sangdung khüp nü sühakhimang.

MÜCHITMUDU 15:33

Atungpuh trekhinü lümlung thsangyuchoh, tüsho azhihayih ju wüntre müngüh arüchoh.

MÜCHITMUDU 18:12

Athsümünimpü müngüh mihtsürü mulong kükheangkhi lah, tüshe wüntrepü müngüh azhihayih lah.

MARK 1:7

Tüsho apinü thsangyuthsangrade tha, “I kheaknü atobe khülang, inü mükhümbah ajingkhümpü zhi trünjihpü müthülünkhi, I dunglim arüchoh.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

RUTH 2:10

Ruthnü alo lim ami mükhümbah Boaz ki tha, “I khiungkeberü khülang ah dale nünü I mürühpü thsüde nü mük ki tümü kheahkhitkhea?”

RUTH 2:13

Ruthnü alo, “I tungpuh, nünü I kheak khide amüthsüm huhchoh, tümüde I nü yamlaberü ruk yunga lalashe mulong sühakhimde asuk.”

1 SAMUEL 25:23

Küyimki Abigailnü David ngükhea, alibenü niokheamde yü tüsho donki kheaknü akibah amiro alo lim mükhümde David ki khukning.

1 SAMUEL 25:40

Küyimki David yamlarübo Karmel ching Abigail kilim arükhea, arünü alibe ki tha, “Nü bede yübah aniube thsüpü Davidnü isa arüshihkheah.”