1 SAMUEL 25:39 - AMÜSÜH HÜM CL Bible (BSI)

³⁹ Küyimki Nabal shekhi Davidnü asokhea, apinü tha, “Nabalnü I kheak mükhemürangkhi dünkheak mahkhapkhi tüsho api yamlarü amütsü rhimo chingnü atukloshihbuh Atungpuh shiang; Nabalnü amütsü rhimokhi Atungpuhnü aku kheak yihkihlojihdo.” Judüki Davidnü aniube thsüpü Abigail kilim thiyusheak yüshih.

1 SAMUEL 25:39 Iomraidhean Croise

2 SAMUEL 1:16

Davidnü api ki tha, “Nü ku kheak nü thiyih kihbah; tümüde nü münnü nü azhihde thiyumütsan jihde tha, ‘Inü Atungpuh mihtsürü mujudemokhitkhi laksahdo.’ ”

1 KIULONG THSÜRÜ 2:44

Kiulongthsüpuhnü Shimei ki thalo, “Nünü I buh David kheak amütsü rhimokhi alala nü mulong chingnü mükheahlah; jumonü Atungpuhnü amütsü rhimo nü ku kheak hanlodarübah.

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

ESTER 9:25

Tüshe Esternü kiulongthsüpuh miki yü, tüsho Hamannü lümkhi akhüh Jihudarü sheshihpü thsükhi ju anihbuh sheloshihpü kiulongthsüpuhnü thiyukhüm thrüta ahiuh–api tüsho atsührübo süksahdung kheak zhinde sheshih.

MUNGSHIKHÜN 7:16

Api rhimo-amütsü anihbuh kheak arülochoh, tüsho apinü athsümünimkhi aku kheak akihchoh.

MUNGSHIKHÜN 9:5

Nünü trükshihbo thürüh, nünü mihbukmuyuk thsümünim; nünü arü mung lün thsungkheak nankhita bah.

MÜCHITMUDU 18:22

Shepü niuberü ngüchonü atsü ngüchoh, tüsho Atungpuh kilimnü amuzho ngüchoh.

MÜCHITMUDU 19:14

Thüyambo tüsho lakhitbo buhrübo kilimnü yamrüplurüp lah, tüshe lümlung lakhi yamkhünberü ju Atungpuh kilimnü ah.

MÜCHITMUDU 22:23

tümüde Atungpuhnü arü dünkheak atsangbah tüsho sherünü arü yankhia luchonü yankhia lubah.

MÜCHITMUDU 31:10

Athülünkhi yamkhünberü shenü angükhukba? Alibe thülünkhi ju mürezhingzhing kheaknü alü ah.

MÜCHITMUDU 31:30

Amürühkhi ju mülapmüji tüsho jaktsükhi akeangkeang, tüshe aliberü shepünü Atungpuh trechonü, anihbe shijihbeah.

KHÜNBOLUNGKHÜN 8:8

Isa niurü akheambe lah, tüsho anihbe niuh mütoyi. Anihbe keokhi nimung ching isanü niurü thsungkheak tümü rhimoba?

MIKA 7:9

Tümütüsho inü api azhihde neak yihbeak, api I kilim tsangkhi tüsho I mahkhapkhi khiungde inü Atungpuh bukakhiukkhi arümpü lah. Apinü I ayin ching bekhitbah; inü api thiyuro-lungki ngübah.

2 KORINT 13:7

Kheakü nüsanü amülim tümü mürhimopü isanü Thrünpuh ki tamkhüntamnüchoh. Rükakheahkhi isanü kukdo de mihtsürünü angüshihbe yung tüshe isa mukukzamkhi nangde lalashe nüsanü tümü alimanü arhimobah.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

2 TIMOTHI 4:18

Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.

MAHKHAPRÜ 5:2

Israel ching limberübonü abekhinü, mihtsürübonü mulongsahde nihbuh jih, Atungpuh shiang!

1 SAMUEL 24:15

Jumonü Atungpuhnü mahkhapshang, tüsho ike dükeak alim jihshang. Apinü ju kheahshang tüsho I kheak muzhode I nü khah chingnü khümkhitshang.”

1 SAMUEL 25:26

“Jumonü kheakü, I tungpuh, Atungpuh tüsho nü lale, tümütüsho Atungpuhnü thiyih bukpü tüsho nü khahnü royimpü chingnü nü danlodo, kheakü nü riri tüsho sherünü I tungpuh ki amütsü rhimo yimchonü Nabal nangde kamshang.

1 SAMUEL 25:32

Davidnü Abigail ki tha, “I khihni shorupü nü thiyibuh, Atungpuh Israel Thrünpuh shiang!

1 SAMUEL 25:34

Tümüde Atungpuh Israel Thrünpuh shepünü nü thsümünimpü lakhi chingnü I tholokhea, api mung chingnü thachoh, nünü niokheamde I shorupü marükhülaa, tsükjide yapsunü Nabal mihtsürü athrürü khülang she maningpü lado.”

1 SAMUEL 25:40

Küyimki David yamlarübo Karmel ching Abigail kilim arükhea, arünü alibe ki tha, “Nü bede yübah aniube thsüpü Davidnü isa arüshihkheah.”

1 SAMUEL 26:10

Davidnü tha, “Atungpuh lale, Atungpuhnü api kheana lungshihbah; yungsho api nimung ashepü arübah; yungsho api thirithsü ching yükibah tüsho adükheakbah.