1 SAMUEL 25:31 - AMÜSÜH HÜM CL Bible (BSI)

³¹ I tungpuh a akeangnü thiyih bukkhi yungsho nihbuh royimkhi dünkheak mulong tukthsü tüsho lümkhilümduh hahmülang mülade alabah. Tüsho küyimki Atungpuhnü I tungpuh kheak tsüde arhimobanü, nü yamlaberü lümkhitang.”

1 SAMUEL 25:31 Iomraidhean Croise

THRÜNTAN 40:14

Tüshe nü tsüde alachoki I lümkhitang, tüsho I ki amuzho huhang; I dünkheak Pharao ki thaang, tüsho ha yam chingnü I bekhitang.

2 SAMUEL 22:48

Thrünpuhnü I kilim royimpü jih tüsho mihtsürübo I bukkhüp thokhijih,

MUNGSHIKHÜN 94:1

O Atungpuh , Thrünpuh shepünü royimcho, O Thrünpuh shepünü royimcho, tah-a yüshang.

LUKNÜ ATHRÜTKHI THIYUSHEAK-ATSÜ HUHTANYU 23:42

Judüki apinü Jisu ki tha, “Atungpuh, nü kiulongthsü ching nü arüchoki I lümkhitang.”

ROMRÜ KILIM PAULNÜ ATHRÜTKHI KIHÜM HUHTANYU 12:19

I müyamrübo, küyimkishe nüsanü rodüyim, tüshe Thrünpuh bukakhiukkhi aleangang; tümüde ha thrüta lah, “Royimpü ju I yo, inü ajihlobah, Atungpuhnü thachoh.”

ROMRÜ KILIM PAULNÜ ATHRÜTKHI KIHÜM HUHTANYU 14:21

nü keoniorü jingmükhepü thsüde shih tsühpü, yukhu yungpü yungsho, tümükhüh rhimopü dükdü yung.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

1 SAMUEL 24:15

Jumonü Atungpuhnü mahkhapshang, tüsho ike dükeak alim jihshang. Apinü ju kheahshang tüsho I kheak muzhode I nü khah chingnü khümkhitshang.”

1 SAMUEL 25:30

Küyimki apinü nü dünkheak atsü alala thakhi, tüsho nü Israel kurungkheak kiulongthsürü thsüpü mokhitkhi yande Atungpuhnü I tungpuh kheak rhimobanü,

1 SAMUEL 25:33

Nü lümkhi atsü müngühshang, tüsho thiyih bukpü tüsho I khahnü royimpü tukloshihkhi nü tsükjide müngühmühi thsang!

1 SAMUEL 25:40

Küyimki David yamlarübo Karmel ching Abigail kilim arükhea, arünü alibe ki tha, “Nü bede yübah aniube thsüpü Davidnü isa arüshihkheah.”

1 SAMUEL 26:23

Atungpuhnü nihbuh thiyuro-lungki tüsho khiukde alakhi aban thsambah jihchoh; tümüde khihni Atungpuhnü nü I khah ching jih, tüshe Atungpuhnü mujude-mokhitkhi kheak azhihde inü I khah muchung.