1 SAMUEL 25:3 - AMÜSÜH HÜM CL Bible (BSI)

³ Kheakü mihtsürü mung ju Nabal, tüsho aniube Abigail lakheah. Alibe ju rükri larü tüsho akheahakham lakheah, tüshe aniubuh a bukmükerü tüsho khükhürararü Kalebrü lakheah.

1 SAMUEL 25:3 Iomraidhean Croise

THRÜNTAN 12:11

Api Ijip ching yüzahpü lachoki, apinü aniube Sarai ki tha, “Nü a jaktsükhi liberü ah de inü mükheahlah.

MUNGSHIKHÜN 10:3

Tümüde mihbukmuyuknü api mulong künkhi ching kükheangchoh; yihnelune mihtsürünü Thrünpuh athruchoh tüsho bahyukchoh.

MÜCHITMUDU 14:1

Lümlung lakhi liberü abannü nihbe yam thsüchoh, tüshe makharünü anihbe khahnü ju thokheamchoh.

MÜCHITMUDU 19:14

Thüyambo tüsho lakhitbo buhrübo kilimnü yamrüplurüp lah, tüshe lümlung lakhi yamkhünberü ju Atungpuh kilimnü ah.

MÜCHITMUDU 30:22

Azhorü khülang kiulongthsürü kamkhi, makharü khülang nihbuhnü atsühnekhi alala lakhi,

MÜCHITMUDU 31:10

Athülünkhi yamkhünberü shenü angükhukba? Alibe thülünkhi ju mürezhingzhing kheaknü alü ah.

MÜCHITMUDU 31:26

Alibenü lümlung bede amün khimshuhchoh, tüsho anihbe mulo kheak thsangdankhi lah.

JIHUSUA 15:13

Atungpuhnü Jihusua kilim thiyukhüm jihkhi nangde apinü Jephunne tsührü Kaleb kilim Juda mihtsürü bolung jihkhi shihcham ju Kiriath-arba, ju Hebron (Arba ju Anak abuh lakheah).

1 SAMUEL 25:17

Jumonü kheakü ha mükheahang tüsho nünü tümü rhimobeanü lümakheahang; tümüde isa putungpuh tüsho api yamkhün alala kheak amütsü rhimo lümkihabahdo; api ju shenü masukachihkhukpü thsüde mihbukmuyuk ah.”

1 SAMUEL 25:25

I tungpuh, ha mihbukmuyuk Nabal yakli dünkheak sükde dülüm; tümüde api mung yande, api ju ah; api mung Nabal ah, tüsho makhakhi api kheak lah; tüshe I, nü yamlaberünü I tungpuhnü arüshihkhi athrününgtsüngbo müngü.

1 SAMUEL 25:4

Nabal a api namfimihnu nam nipchoh de Davidnü sunglo chingnü so.

1 SAMUEL 30:14

Isanü Kereth ching Negeb tüsho Judarü lo le Kaleb guk lomi kheak keochihdo; tüsho isanü Ziklag takkheamabahdo.”