1 SAMUEL 25:26 - AMÜSÜH HÜM CL Bible (BSI)

²⁶ “Jumonü kheakü, I tungpuh, Atungpuh tüsho nü lale, tümütüsho Atungpuhnü thiyih bukpü tüsho nü khahnü royimpü chingnü nü danlodo, kheakü nü riri tüsho sherünü I tungpuh ki amütsü rhimo yimchonü Nabal nangde kamshang.

1 SAMUEL 25:26 Iomraidhean Croise

THRÜNTAN 20:6

Thrünpuhnü milim ching api ki tha, “Am, nü lümkhi müsühde arhimokheah de inü amükheahmonü, I azhihde inü nü neak müyihbeakshih. Jumonü inü nünü alibe müqiushih.

2 SAMUEL 18:32

Kiulongthsüpuhnü Kushbuh ki tha, “Athrününgtsüngbuh Absalom tsüde la shi?” Kushbuhnü alo, “I tungpuh riribo, tüsho nü thsümünimpü asürürü alala ju buh athrününgtsüng nangde kamshang.”

2 KIULONG THSÜRÜ 2:2

Elijanü Elisha ki tha, “Ha kheak binang; tümüde Atungpuhnü I Bethel khiungde yüshihdo.” Tüshe Elishanü tha, “Atungpuh tüsho nü lale, inü nü mübahjih.” Jumonü ane Bethel lim yüki.

2 KIULONG THSÜRÜ 4:6

Küyimki pangjiphühbo mikhea, alibenü atsührü athrürü ki tha, “I kilim pangjiphüh püpü lude arang.” Tüshe apinü anihbe ki tha, “ Kheaküa müla.” Jushu a müdangke ju abukkhi chingnü tukloabah.

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

MÜCHITMUDU 31:12

Anihbe rhangdung amuyung alibenü api ki atsü thsüchoh tüsho amütsü yung.

JEREMIA 29:22

Tüsho arü dünkheak Babilon ching Juda ramtsorü alalanü ha muthrumüneanbah: “Atungpuhnü nü Zedekia tüsho Ahab nangde kamshang, sherü Babilon kiulongthsüpuhnü mo ching takkhea,”

DANIEL 4:19

Judüki Belteshazzar de ajikhi Daniel ju anükhüh kheak lüm shangmangde kam. Anihbuh lümkhinü api trede kamshih. Kiulongthsüpuhnü tha, “Belteshazzar, milim yungsho thanakkhinü nü trede dükam.” Belteshazzarnü alo, “ I tungpuh, milim ju nü thraneanrü thsungkheak tüsho thanakkhi ju nü riribo thsungkheak lashang!

IBRI 10:30

Tümüde shepünü athakheanü isanü mükheahlah, “Royimpü I yo, inü athrihlobah.” Tüsho kheaküshe, “Atungpuhnü api mihtsürü mahkhapbah.”

1 SAMUEL 1:26

Tüsho alibenü tha, “O, I tungpuh! Nü rhangdung la khiungde, I tungpuh, I ha ching nü miki, Atungpuh kilim tamkhüntamnüde alakhi liberü ah.

1 SAMUEL 2:9

“ Apinü api kheak düküngde alarü rhangdung aheangbah, tüshe amütsürübo amiting ching dükheakbah; tümüde nihbuh sühmühnü akuk müngüchoh.

1 SAMUEL 20:16

Hanangde Jonathannü David yamkhün ki tangzüngde tha, “Atungpuhnü David riribo yimkhitshang.”

1 SAMUEL 20:3

Tüshe Davidnü she thiyuchihchimde tha, “Nünü I muzholah de nü buhnü tsüde mükheahlah; tüsho ha Jonathannü dümükheahshih jude yungsho api mulong rozhakbah de apinü lümchoh. Tüshe tsükjide Atungpuh tüsho nü lale, I tüsho ashepü dükeak jingdükü zahlah.”

1 SAMUEL 22:3

Davidnü ju chingnü Moab lomi Mizpa ching yü. Apinü Moab kiulongthsüpuh ki tha, “ Thrünpuhnü I thsungkheak tümü rhimobanü inü mümükheahyi khiungde, muzhobah I buh le I be nü kilim arüshang.”

1 SAMUEL 25:25

I tungpuh, ha mihbukmuyuk Nabal yakli dünkheak sükde dülüm; tümüde api mung yande, api ju ah; api mung Nabal ah, tüsho makhakhi api kheak lah; tüshe I, nü yamlaberünü I tungpuhnü arüshihkhi athrününgtsüngbo müngü.

1 SAMUEL 25:39

Küyimki Nabal shekhi Davidnü asokhea, apinü tha, “Nabalnü I kheak mükhemürangkhi dünkheak mahkhapkhi tüsho api yamlarü amütsü rhimo chingnü atukloshihbuh Atungpuh shiang; Nabalnü amütsü rhimokhi Atungpuhnü aku kheak yihkihlojihdo.” Judüki Davidnü aniube thsüpü Abigail kilim thiyusheak yüshih.

1 SAMUEL 26:10

Davidnü tha, “Atungpuh lale, Atungpuhnü api kheana lungshihbah; yungsho api nimung ashepü arübah; yungsho api thirithsü ching yükibah tüsho adükheakbah.