1 SAMUEL 25:21 - AMÜSÜH HÜM CL Bible (BSI)

²¹ Kheakü Davidnü tha, “ Tsükjide inü harü mihtsürübo sunglo ching khümkhitbah, arü kukruk tümü müdükheakshihkhi akeangkeang thsüdo; tüshe apinü I kilim atsü müthri amütsü jihlodo.

1 SAMUEL 25:21 Iomraidhean Croise

THRÜNTAN 44:4

Tüsho küyimki arübo kiuto chingnü wukhiukbah limshu müyüyide alakhea, Josepnü api kimthsübuh ki tha, “Asürübah mihtsürübo müshamang; tüsho küyimki nünü arü yanphuhbanü arü ki thaang, ‘Tümüde nüsanü atsü müthri amütsü jihlokhea?

JOB HU H T ANYU 30:8

Makharü, mungshi mülakhi tsührübo lomi chingnü rhapkhita tsoshihdo.

MUNGSHIKHÜN 35:12

Arünü I kilim atsü dün amütsü jihlochoh; I me tüzhokhi ching lah.

MUNGSHIKHÜN 37:8

Mulong düsansan yungsho bukdakhiuk, junü küpkhuk lim lang bechoh.

MUNGSHIKHÜN 38:20

Atsü dün amütsü jihlorünü I azhihchoh, tümütüsho inü alungki rhimopü mürangchoh.

MÜCHITMUDU 17:13

Shepünü atsü dün amütsü jihlochonü, api yam chingnü amütsü müchamachih.

JEREMIA 18:20

Atsü ju amütsünü ashakloba de? Tütüshe arünü I rhangdung thsungkheak alokhün khülang kiudo. Künangde I nü miki zhipkheanü, arü thsungkheak asukpü, arü kheaknü nü bukakhiukkhi rholode atsopü lümkhitjang.

ROMRÜ KILIM PAULNÜ ATHRÜTKHI KIHÜM HUHTANYU 12:21

Amütsünü dükukshih, tüshe atsünü amütsü kukshang.

EFISIA 4:26

Nü bukakhiukkhi ching neak düyihbeak; nü bukakhiukde ani düyüzahshih,

EFISIA 4:31

Akhüh, mulong zhipzhip, bukakhiuk, alanaji tüsho dünthamungtha athsümünim alala bede bahang,

1 TESALONIKA 5:15

Nüsa shenü she amütsü müthri amütsü müjihlopü mütsanang, tüshe kamruhroro khülangnü khülang tüsho alala ki atsü rhimopü yimang.

1 PETER 3:17

Tümüde amülim rhimopü dün a, Thrünpuh lümkhi thsüsho alungki rhimokhi dün thsünükhi atsübe ah.

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.

1 SAMUEL 25:13

Davidnü amihtsürübo ki tha, “ Mihtsürü abannü nihbuh nukshang noang!” Tüsho mihbüm abannü nukshang noa lu; David she api nukshang noa lu; tüsho mihtsürü 400 ngüm David dunglim yü, tüsho 200 hah ki bin.

1 SAMUEL 25:15

Tüshe mihtsürübonü isa kheak khide tsüde la, tüsho isa küpkhuk müjih, tüsho isa thulu ching arü lung lachoki khiungde tümü she müdükheak;

1 SAMUEL 25:20

Alibe donki kheak binbah awung khüp akichoki, David tüsho amihtsürübo anihbe kilim aki; tüsho alibenü arü shoru.

1 SAMUEL 25:7

Nü mihnu nam niprü lah de inü sodo; kheakü nü yo namfimihnubo isa lung lakheah, tüsho isanü arü kheak amütsü mürhimo, tüsho arü tümü she müdükheak, kim alala ching arübo Karmel ching lakheah.