1 SAMUEL 25:13 - AMÜSÜH HÜM CL Bible (BSI)

¹³ Davidnü amihtsürübo ki tha, “ Mihtsürü abannü nihbuh nukshang noang!” Tüsho mihbüm abannü nukshang noa lu; David she api nukshang noa lu; tüsho mihtsürü 400 ngüm David dunglim yü, tüsho 200 hah ki bin.

1 SAMUEL 25:13 Iomraidhean Croise

2 SAMUEL 15:18

Api yo atorü alala api hode yü; tüsho Kerethrü le Pelethrü alala tüsho Gitrü 600 alala Gath chingnü api lung yürübo kiulongthsüpuh müngühlim yü.

MÜCHITMUDU 14:29

Shepü arünnü bukakhiukchonü anikhitkhi ato lah, tüshe asungsung mihtsürünü makhakhi huhchoh.

MÜCHITMUDU 16:32

Arümkheamkhi ju athrungkhi kheaknü atsübe, tüsho shepünü nihbuh sungsungkhi danyukchonü kiuto yankhia lurü kheaknü atsübe.

MÜCHITMUDU 19:11

Mihtsürü lümlungnü api arümkheam jihchoh; tüsho amülim thsükhi amümürang thsükhi ju api müretahkhi lah.

MÜCHITMUDU 19:2

Mükheahmudu mülade künsahde alümkhi ju atsü yung, tüsho shepünü niokheamchonü limro dungmihchoh.

MÜCHITMUDU 20:22

“ Inü amütsü athrihlobah” de dütha; Atungpuh aleangang, tüsho apinü nü khümkhitbah.

MÜCHITMUDU 25:8

Mahkhappung ching niokheamde düyü; tümüde nü yamhingrünü nü achih kipchoki akheam ching nünü tümü thsüba?

JIHUSUA 9:14

Jumonü limberübonü tsühyungpü khürü arü kheaknü leangkhi, tüshe ju dünkheak Atungpuh ki mükeokhi.

1 SAMUEL 22:2

Lümthsünürü, shozüng larü, tüsho reangmükeamrü alala api ki mukhung; tüsho arü kurungkheak api wühkenorü kam. Api lung larübo 400 bande alakheah.

1 SAMUEL 23:13

Judüki David tüsho amihtsürübo 600 bande Keilah bahbah tsahmusu; arünü ayükhukpü lakhibo ching yü. Küyimki David Keilah chingnü akhindo de Saulnü asokhea, apinü alümkhi tukloabah.

1 SAMUEL 25:12

Jumonü David yo athrününgtsüngbonü rholo tüsho alodarübah ha alala api ki tha.

1 SAMUEL 27:2

Jumonü Davidnü api lung mihtsürü 600 bebah Gathrü Maok tsührü Akish kilim yü.