1 SAMUEL 24:4 - AMÜSÜH HÜM CL Bible (BSI)

⁴ Mihtsürübonü api ki tha, “ Ha Atungpuhnü nü ki asukkhi nimung lah, ‘Inü nü riri nü khah ching jihbah, tüsho nü tsükhi api kheak rhimobah.’ ” Judüki Davidnü chinde yükibah Saul shulünkhim münkheam nipkhia lu.

1 SAMUEL 24:4 Iomraidhean Croise

2 SAMUEL 4:8

Anenü Ishboshet ku Hebron ching David kilim hande arü tüsho kiulongthsüpuh ki tha, “Nü rhangdung yimbuh nü riri, Saul tsührü Ishboshet ku lah; khihni Atungpuhnü Saul tüsho api tsührü kheak I tungpuh kiulongthsüpuh royimjihdo.”

JOB HU H T ANYU 31:31

I khimyam ching larünü mütha shi, “Nihbuh shih kheak reangmükeamrü she la le?”

MUNGSHIKHÜN 142:1

Inü I düsheaknü Atungpuh ki zhichoh; I düsheaknü inü Atungpuh ki mushuchoh.

MUNGSHIKHÜN 57:1

I ki müthsümang, O Thrünpuh, I ki müthsümang! tümüde I menü nü kheak kinchoh; tüsho harü thsümütsü muhoyikia nü ghidükeang alamme küp I tsoyukbah.

ABEKHIT 21:13

Tüshe apinü anihbuh aleangde mübinde Thrünpuhnü api khah ching keamshihsho, inü amokhitpü lakhi dangpung ching api tsode ayübah.

1 SAMUEL 22:1

Davidnü ju chingnü akhinde Adullam lungkhün ching tsokhide yü; akhiung pürü tüsho buhtsührübonü ju sobah api shorupü ju ching yüki.

1 SAMUEL 23:17

Apinü anihbuh ki tha, “Dütre; tümüde I buh Saul khah nü kheak müjipkih; nü Israel kurungkheak kiulongthsürü thsübah, tüsho I ju nü khinbuh labah; ha I buh Saulnü she mükheahlah.”

1 SAMUEL 23:7

Kheakü David ju Keilah ching arüa lah de Saulnü so. Tüsho Saulnü tha, “ Thrünpuhnü api I khah ching jihdo; tümüde api zangrünü ripit tüsho akhrihbe lakhi kiuto ching azhakbah rihdodo.”

1 SAMUEL 24:10

Künangde Atungpuhnü lungkhün ching nü I khah ching jihkheanü ha nimungnü nü müknü ngüdo; tüsho khürünü nü laksahpü I ki athsung, tüshe inü nü khümkhit. Inü tha, ‘I tungpuh azhihde I khah mushuhkih; tümüde api Atungpuhnü mujude-mokhitkhi lah.’

1 SAMUEL 24:18

Atungpuhnü I nü khah ching yukjihbah nünü I mülaksahde I ki atsü rhimokhi khihni nünü huhdo.

1 SAMUEL 26:23

Atungpuhnü nihbuh thiyuro-lungki tüsho khiukde alakhi aban thsambah jihchoh; tümüde khihni Atungpuhnü nü I khah ching jih, tüshe Atungpuhnü mujude-mokhitkhi kheak azhihde inü I khah muchung.