1 SAMUEL 24:22 - AMÜSÜH HÜM CL Bible (BSI)

²² Jumonü Davidnü ha Saul ki thiyuchihchim. Jushu Saul thüyam lim yü; tüshe David le amihtsürübo a arü jikpung lim wutu.

1 SAMUEL 24:22 Iomraidhean Croise

THRÜNTAN 21:22

Ju kim ching Abimelek tüsho api bonungrü limthobuh Phikol anenü Abraham ki tha, “Nünü arhimokhi lüpdükhi ching Thrünpuh nü lung lah.

THRÜNTAN 21:23

Jumonü kheakü, I le I tsührü yungsho I tsühsoniusobo kheak mülimde mürhimopü I ki thiyuchihchimang. Nü hanrü thsüde alakhi lo ching inü nü ki huhkhi nangde I tüsho alomi ki amuzho huhang.”

2 SAMUEL 21:6

api tsührü athrürü 7 ju isa kilim jihang, tüsho Atungpuhnü mokhitkhi Saul kiuto Gibeon kheak Atungpuh miki isanü arü wuka zhinbah.” Kiulongthsüpuhnü tha, “Inü arübo jihabahbah.”

2 SAMUEL 21:7

Tüshe kiulongthsüpuhnü Saul kheak yo Jonathan tsührü Mephiboshet aninga lashih, tümütüsho ju David le Saul tsührü Jonathan ane dükeak Atungpuh thiyuchihchimkhinü ah.

JOHAN 2:24

Tüshe Jisunü arü kheak akin müla, tümüde apinü mihtsürü alala mükheah,

1 SAMUEL 23:29

Jushu ju chingnü David wutubah Engedi lungkhün ching la.

1 SAMUEL 26:25

Judüki Saulnü David ki tha, “I tsührü David, nü müngühmühi thsang! Nünü arhimokhi aban ching akuk ngübah.” Jumonü David a nihbuh limro yü, tüsho Saul api lapung lim alode yü.