1 SAMUEL 24:18 - AMÜSÜH HÜM CL Bible (BSI)

¹⁸ Atungpuhnü I nü khah ching yukjihbah nünü I mülaksahde I ki atsü rhimokhi khihni nünü huhdo.

1 SAMUEL 24:18 Iomraidhean Croise

THRÜNTAN 38:26

Jumonü Judanü jurü mütsan tüsho tha, “I kheaknü alibe alü thiyuro-lungki lado, tümütüsho inü anihbe I tsührü Shela kilim müjih.” Tüsho apinü alibe kheak mümüyamlodebah.

MUNGSHIKHÜN 31:8

tüsho I riri khah ching I muyukjih; nünü I jing amülih dangpung ching zojih.

MUNGSHIKHÜN 7:5

thiririnü I müshamshang tüsho I tholoshang, tüsho apinü I rhangdung alo ching juyukshang, tüsho I asungthulung ching yapshang.

MÜCHITMUDU 25:22

junangde nünü api ku kheak mokhih lamlamkhi mujungshihbah, tüsho Atungpuhnü nü thsambah jihbah.

1 SAMUEL 23:12

Judüki Davidnü tha, “ Keilah mihtsürünü I kilim arüabah tüsho I mihtsürünü Saul khah ching yüzahabahba de?” Atungpuhnü tha, “ Arünü nü khah ching azahbah.”

1 SAMUEL 23:7

Kheakü David ju Keilah ching arüa lah de Saulnü so. Tüsho Saulnü tha, “ Thrünpuhnü api I khah ching jihdo; tümüde api zangrünü ripit tüsho akhrihbe lakhi kiuto ching azhakbah rihdodo.”

1 SAMUEL 24:10

Künangde Atungpuhnü lungkhün ching nü I khah ching jihkheanü ha nimungnü nü müknü ngüdo; tüsho khürünü nü laksahpü I ki athsung, tüshe inü nü khümkhit. Inü tha, ‘I tungpuh azhihde I khah mushuhkih; tümüde api Atungpuhnü mujude-mokhitkhi lah.’

1 SAMUEL 24:19

Tümüde shepünü nihbuh riri ngübah khümkhita tsoshihdü le? Jumonü khihni nünü I ki atsü rhimokhi dünkheak Atungpuhnü nü kilim thsambah jihshang.

1 SAMUEL 26:23

Atungpuhnü nihbuh thiyuro-lungki tüsho khiukde alakhi aban thsambah jihchoh; tümüde khihni Atungpuhnü nü I khah ching jih, tüshe Atungpuhnü mujude-mokhitkhi kheak azhihde inü I khah muchung.

1 SAMUEL 26:8

Abishainü David ki tha, “ Khihni nü riri Thrünpuhnü nü khah ching jihdo; jumonü kheakü inü api thsühnü alo kheak khülang kinü kheankihanü; inü api mahne ki mükhean.”