1 SAMUEL 24:15 - AMÜSÜH HÜM CL Bible (BSI)

¹⁵ Jumonü Atungpuhnü mahkhapshang, tüsho ike dükeak alim jihshang. Apinü ju kheahshang tüsho I kheak muzhode I nü khah chingnü khümkhitshang.”

1 SAMUEL 24:15 Iomraidhean Croise

2 KIUTHSÜYUKHEAN 24:22

Zekaria abuh Jehoiadanü api ki amuzho huhkhi, kiulongthsüpuh Joashnü mülümkhit, tüshe api tsührü laksah. Anihbuh shede alachoki, apinü tha, “Atungpuhnü ngüshang tüsho royimshang!”

MUNGSHIKHÜN 119:154

I dünkheak tsungdojang tüsho I rhokhitang; nü yu yande I thsüphulojang.

MUNGSHIKHÜN 35:1

O Atungpuh , I azhihrü kheak azhihang; I bede keochihrü kheak keochihang.

MUNGSHIKHÜN 43:1

O Thrünpuh, I thiyuro mütsanjang, tüsho amükinrü azhihde I dünkheak tsungdojang; O, akeangyu tharü tüsho thiyuro mülakhi mihtsürü kheaknü I bekhitang.

MIKA 1:2

Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

MIKA 7:9

Tümütüsho inü api azhihde neak yihbeak, api I kilim tsangkhi tüsho I mahkhapkhi khiungde inü Atungpuh bukakhiukkhi arümpü lah. Apinü I ayin ching bekhitbah; inü api thiyuro-lungki ngübah.

MAHKHAPRÜ 11:27

Jumonü inü nü azhihde neak müyihbeak, tüshe I bede keochihkhinü nünü I amülim kamshih. Atungpuh , mahkhapbuhnü Israelrü tüsho Amon mihtsürü dükeak khihni mahkhapshang.”

1 SAMUEL 17:43

Judüki Goliathnü David ki tha, “I khihnu ah de lümbah tso shuhbah arücho de?” Tüsho Goliathnü api thrünpuhbo jide David muthrumünean.

1 SAMUEL 24:12

Atungpuhnü I le nü dükeak mahkhapshang! Atungpuhnü nü kheak I royimshang; tüshe I khahnü a nü kheak mazhih.

1 SAMUEL 25:39

Küyimki Nabal shekhi Davidnü asokhea, apinü tha, “Nabalnü I kheak mükhemürangkhi dünkheak mahkhapkhi tüsho api yamlarü amütsü rhimo chingnü atukloshihbuh Atungpuh shiang; Nabalnü amütsü rhimokhi Atungpuhnü aku kheak yihkihlojihdo.” Judüki Davidnü aniube thsüpü Abigail kilim thiyusheak yüshih.

1 SAMUEL 26:20

Jumonü kheakü Atungpuh kheaknü limshukhi ching, I thiyih alo kheak dayokhishih; tümüde Israel kiulongthsüpuh ju khürünü awung ching mütüm wuhnu jimkhi nangde thüle khülang yimde arüa lah.”

1 SAMUEL 26:4

Davidnü thirirhurü yüshih, tüsho Saul ju arünü khiunga lah de mükheah.