1 SAMUEL 24:11 - AMÜSÜH HÜM CL Bible (BSI)

¹¹ Abuh, nü yo shulünkhim münkheam I khah ching ha kheahang; tümüde atsütsü inü nü yo shulünkhim münkheam nipkhia lu, tüsho nü mülaksah, ha hode I kilim amülim yungsho azhihkhi müla de nünü amükheahbah. Nünü I rhangdung lupü jima lalashe, inü nü azhihde neak müyihbeak.

1 SAMUEL 24:11 Iomraidhean Croise

2 SAMUEL 1:14

Davidnü api ki tha, “Atungpuh mihtsürü mujude-mokhitkhi laksahpü thsüde nü khah shuhkihpü nünü mütrekhea de?”

2 KIULONG THSÜRÜ 5:13

Tüshe api yamlarübonü yübah api ki tha, “Abuh, mürangkhüh wukihbuhnü tümükhüh achak rhimopü nü ki thiyukhüm jihkhülaa, nünü ju mürhimoa laba de? Dale tüsho küdükhüh, apinü nü ki thakhi ju a, ‘ Müsühang, tüsho müsühde kamang?’”

JOB HU H T ANYU 10:16

Inü I ku dukosho mulong zahkhi kekhüzü nangde nünü I jim, tüsho I azhihde nünü mihmüyinsahbe rhimolo.

MUNGSHIKHÜN 119:161

Yakzanshuhrübonü akeangnü I thsümüchichoh, tüshe I mulong a nü yu trekhi ching lah.

MUNGSHIKHÜN 140:11

Thsüpkhilukhirü alomi ching dülashih; amütsürünü athsümünim mihtsürü lahyuka bahpü jimshang.

MUNGSHIKHÜN 35:7

Amütsan mülade arünü I thsungkheak azheang zo, tüsho I phuhpü müthrim asük kiu.

MUNGSHIKHÜN 59:3

Kheahang, arünü I rhangdung jimde aleanglah; bukmüke mihtsürü I azhihde mukhunga lah. Inü athsümünimkhi yungsho I neak dünkheaknü yung, O Atungpuh .

MUNGSHIKHÜN 7:5

thiririnü I müshamshang tüsho I tholoshang, tüsho apinü I rhangdung alo ching juyukshang, tüsho I asungthulung ching yapshang.

MÜCHITMUDU 15:1

Thünakde alokhinü bukakhiukkhi keamshihchoh, tüshe thiyu amüküpnü bukakhiukpü thurumusuchoh.

TÜZHOKHI 4:18

Arünü isa jingdükü aban phükih, junangde isanü kiudunglimrobo ching mütsahkhuk; isa akheam phünide kam; isa nimungbo kheabah; tümüde isa akheam arüdo.

EZEKIEL 13:18

tüsho thaang, Wuto Atungpuhnü ha thachoh: Mihtsürü phuhpü thsüde aliberü sherünü arü khujuh-khim alala kheak wurük thürekihcho tüsho aphuaphu ashangshang kudukiube thsüchonü ayokhe. Nüsanü I mihtsürü rhangdungbo phuhba de tüsho nüsa nihbe a küma zoba de?

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

JOHAN 15:25

Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”

1 SAMUEL 18:27

Davidnü amihtsürübo lungnü yü tüsho Filistiarü 200 laksah; tüsho Davidnü api kiulongthsüpuh tsühmeak thsüpü thsüde arü yoküpbo khemütsana kiulongthsüpuh kilim handarü jih. Saulnü api kilim yamkhünbe thsüpü atsührü Mikal jih.

1 SAMUEL 23:14

Davidnü awung lomi Ziph sunglo lungkhün ching bin. Saulnü animokhün api yim, tüshe Atungpuhnü api khah ching müjih.

1 SAMUEL 23:23

Mühide kheahang tüsho api küching jiklanü ajikpung dangpung alala mükheahang, tüsho thiyusheak mütsanmükhi lubah I kilim arüloang. Jushu I nüsa lung yübah; tüsho api lomi ching lasho, inü Judarü guk alala bolungnü api yimkhitbah.”

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.

1 SAMUEL 26:18

Tüsho apinü thalo, “ Tümü thsükhi I tungpuhnü api yamlarü müshamcho? Inü tümü rhimoa la? I kheak tümü amülim la?

1 SAMUEL 26:20

Jumonü kheakü Atungpuh kheaknü limshukhi ching, I thiyih alo kheak dayokhishih; tümüde Israel kiulongthsüpuh ju khürünü awung ching mütüm wuhnu jimkhi nangde thüle khülang yimde arüa lah.”

1 SAMUEL 26:23

Atungpuhnü nihbuh thiyuro-lungki tüsho khiukde alakhi aban thsambah jihchoh; tümüde khihni Atungpuhnü nü I khah ching jih, tüshe Atungpuhnü mujude-mokhitkhi kheak azhihde inü I khah muchung.