1 SAMUEL 23:12 - AMÜSÜH HÜM CL Bible (BSI)

¹² Judüki Davidnü tha, “ Keilah mihtsürünü I kilim arüabah tüsho I mihtsürünü Saul khah ching yüzahabahba de?” Atungpuhnü tha, “ Arünü nü khah ching azahbah.”

1 SAMUEL 23:12 Iomraidhean Croise

MUNGSHIKHÜN 118:8

Mihtsürü kheak mulongram lapü dün a Atungpuh kheak kinkhi atsübe ah.

MUNGSHIKHÜN 143:8

Yapsu nü muzho inü soshang, tümüde inü nü kheak kinchoh; I tsahpü limro I ki mükheahshang, tümüde inü nü ki I me shuhkihchoh.

MUNGSHIKHÜN 31:8

tüsho I riri khah ching I muyukjih; nünü I jing amülih dangpung ching zojih.

MUNGSHIKHÜN 62:1

I menü arümde Thrünpuh aleangchoh; I akhümkhit api kilimnü arüchoh.

ISAIA 29:15

Are! Nüsa sherünü Atungpuh kheaknü limshude lümkhi khide sükde ramcho, shepü rhimobo amiting ching la, tüsho shepünü thacho, “Shenü isa ngüla? Shenü isa mükheahla?”

JEREMIA 11:18

Kheakü Atungpuhnü I kilim mükheahmudu jih tüsho inü mükheah; junangde nünü arü amütsü rhimobo I ki huh.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

MAHKHAPRÜ 15:10

Juda mihtsürübonü keokhi, “Nüsa tümüde isa bede keochihpü atukhea?” Jumonü arünü alo, “Isa Samson rampü, apinü isa ki rhimokhi nangde anihbuh ki rhimopü atukheah.”

1 SAMUEL 23:11

Tüsho kheakü, nü yamlarünü asokhi nangde Saul akiba de? O Atungpuh , Israel Thrünpuh, inü nü ki mushuchoh, nü yamlarü ki thaang.” Atungpuhnü tha, “ Api akibah.”

1 SAMUEL 23:20

Kheakü, O kiulongthsüpuh, küyimki nü akipü lümlanü akiang; tüsho isanü arhimopü jua api kiulongthsüpuh khah ching yukjihbah.”

1 SAMUEL 23:7

Kheakü David ju Keilah ching arüa lah de Saulnü so. Tüsho Saulnü tha, “ Thrünpuhnü api I khah ching jihdo; tümüde api zangrünü ripit tüsho akhrihbe lakhi kiuto ching azhakbah rihdodo.”