1 SAMUEL 22:3 - AMÜSÜH HÜM CL Bible (BSI)

³ Davidnü ju chingnü Moab lomi Mizpa ching yü. Apinü Moab kiulongthsüpuh ki tha, “ Thrünpuhnü I thsungkheak tümü rhimobanü inü mümükheahyi khiungde, muzhobah I buh le I be nü kilim arüshang.”

1 SAMUEL 22:3 Iomraidhean Croise

THRÜNTAN 47:11

Tüsho Pharaonü thiyukhüm jihkhi nangde Josepnü abuh le akeoniorübo lashih, tüsho Ijip lomi ching, Rameses lomi atsüdakbe yamalobo arü kilim jih.

2 SAMUEL 8:2

Apinü kheaküshe Moabrü kuk tüsho arübo alo kheak yapshihbah liunü ake; apinü asheshihpü liu yung mahnenü ake, tüsho yung khülang akekhi ju rhangdung lashihpü thsü. Tüsho Moabrü ju David yamlarü kamabah tüsho api kilim ruk jih.

ABEKHIT 20:12

“Nü buh tüsho nü be wüntreang, junangde Atungpuh nü Thrünpuhnü nü kilim jihkhi lo ching nü kutsüp ashang labah.

1 TIMOTHI 5:4

Khimoberü ju tsührübo yungsho tsührü tsührübo lasho, akhuhde yambuk thsungkheak akin rhimo arünü anikhitshang, tüsho arü bebuhrü kilim tümüanü jihloshang, tümüde ha Thrünpuh asühbe lah.

MAHKHAPRÜ 11:29

Judüki Atungpuh me Jephtha kheak arü, tüsho apinü Gilead tüsho Manase tsahho, tüsho Gilead ching Mizpa tsahho; tüsho Gilead ching Mizpa chingnü Amon mihtsürübo kilim yü.

RUTH 4:10

Ju lang yungde ashebuh mung tüsho api yamrüplurüp arü betsüh ching müdükheakde alashihpü thsüde tüsho api lapung kiuto chingnü makhinpü thsüde Mahlon yamkhünbe Moabberü Ruth she I yamkhünbe thsüpü inü thulodo. Khihni nüsa thiyumütsan ah.”

RUTH 4:17

Yamhingrü liberübonü khungarü mung Obed de ji. Arünü alala ki tha, “ Tsührü athrürü khülang Naomi kilim zübejih-a lah!” Api ju David abuh, Jesse abuh kam.

1 SAMUEL 14:47

Küyimki Saulnü Israel kurungkheak kiulongthsü ngükhea, apinü mühirü api riribo alala, Moab, Amon, Edom, Zoba kiulongthsübo, tüsho Filistiarü kheak keochih; kürü ching api yükheanü apinü arübo küpkhuk jih.

1 SAMUEL 22:2

Lümthsünürü, shozüng larü, tüsho reangmükeamrü alala api ki mukhung; tüsho arü kurungkheak api wühkenorü kam. Api lung larübo 400 bande alakheah.

1 SAMUEL 22:4

Apinü arübo Moab kiulongthsüpuh ki zojih, tüsho David lungkhün ching lakhi amuyung arübo api lung lakheah.

1 SAMUEL 3:18

Jumonü Samuelnü api ki alala tha tüsho api ki tümü she mümüyim. Tüsho apinü tha, “ Ha Atungpuh lah; apinü atsükhi thsüshang.”